عارفة عبدالرسول تروي موقفا عن ابنة الراحل محمود الجندي في كواليس بالطو

إسماعيل هاني 12 مارس 2023 | 06:55 مساءً

روت الفنانة عارفة عبدالرسول عن موقف للفنانة الشابة مريم الجندي ابنة الفنان القدير محمود الجندي وشقيقة المخرج أحمد الجندي، خلال تحضيرات مسلسل بالطو.

وكتبت عارفة عبدالرسول، عبر حسابها الشخصي على موقع التواصل الإجتماعي فيسبوك، وعلقت قائلة: كلمتين محشورين فى زوري حاقولهم ورزقي على الله.. ليه مسلسل بالطو نجح النجاح المدوي ده.. لأنه شبهنا بتاعنا.. مفيش حد ماشافش حته منه او حد شبهه في طرشوخ الليف تقول لنفسك فجأة.. آه والله كان بيحصل كده.

وتابعت عارفة عبدالرسول: احنا كممثلين مكناش احنا .. بس كنا احنا.. وفى كلمه قالهالى المخرج عمر المهندس على جنب كده.. لما كان بيعمل الكاستينج للمسلسل داخ عشان يلاقى بنت شبهنا من طبقة متوسطه ومن مدينه فى الريف تبقى دكتوره فى وحده صحية فى أرياف برضه.

عارفة عبدالرسول: كل البنات لاعبة في شكلها

واستكملت عارفة: كل البنات لاعبه في شكلها وتاتو وشفايف وحواجب.. كلهم دكتور تجميل واحد عامل قالب واحد..وقع الاختيار على مريم الجندي..مش عشان هى بنت محمود الجندى ولا اخت احمد الجندى.. ولا عشان هى ممثله كويسة...رغم انها ممثله ممتازة، ولاعشان كانت فى ورشة استاذنا خالد جلال ولفت لفة حلوة على المسرح ..اتكحرتت يعنى.

وأضافت عارفة عبدالرسول: كل ده مكنش سبب لترشيحها للدور.. السبب كان شكلها العادى.. بنتنا.. مننا.. صرخة مكتومة من قلبى للبنات.. أرجوكم.. حبى شكلك اللى ربنا وهبه لك .. مناخيرك كبيرة شوية وماله دى ميزة.. سنانك معووجه مايضرش دى ميزة .. أرجوكم...كونوا عاديين.

أبطال مسلسل بالطو

خاض بطولة مسلسل بالطو عصام عمر، عارفة عبدالرسول، مريم الجندي، محمود حافظ، محمد محمود، محمد رضوان، وآخرين والإخراج لـ عمر المهندس وتدور أحداثه ضمن إطار كوميدي حول مهنة التمريض وما يحدث في دور الرعاية الصحية.

أحداث مسلسل بالطو

دارت أحداث مسلسل بالطو في إطار كوميدي، حول قصة الطبيب عاطف كامل محمد ويجسد شخصيته الفنان الشاب عصام عمر، أنه بعد تخرجه جاء تكليفه أن يكون طبيبًا في أحد المراكز الطبية في قرى ريفيه، وبالفعل يذهب ليقوم بمهام عمله ولكن يتفاجأ بأن يصبح هو مدير الوحدة الصحية بعد مقتل المدير الرئيسي.