عارفة عبدالرسول تكشف سر بكائها بعد العرض الخاص لفيلم ضي.. ما علاقة أحمد حلمي؟

كشفت الفنانة عارفة عبدالرسول سر بكائها بعد العرض الخاص لفيلم ضي، الذي أقيم مساء أمس الثلاثاء 2 سبتمبر الجاري.

كتبت عارفة عبدالرسول في منشور عبر حسابها الرسمي بموقع فيس بوك: «دموعي نازلة بغزارة ومش قادرة أمنعها متعرفش بقى دي دموع شجن ولا إيه بالظبط.. لسه راجعة من العرض الخاص لفيلم ضي.. بقالي زمن ماشوفتش سينما جميلة بالشكل ده».

بكاء عارفة عبدالرسول بعد العرض الخاص لفيلم ضي

وتابعت: «أماكن تصوير من قلب القرى المصرية عمري ما شوفت قلب أسوان ولا الأقصر بالشكل ده.. وبغض النظر إني ضيفه شرف في الفيلم بس كل ضيوف الشرف عتاولة واللي فاجئني الفنان أحمد حلمي في دور عسكري المطافي اللي وشه اتشوه وهو بينقذ أطفال مرعب بجمال مش عادي وأعتقد الدور ده نقلة كبيرة للفنان».

واستكملت عارفة عبدالرسول: «التصوير والإضاءة والصوت يامه... عارفين حتة الكريز اللي فوق التورتة والكل عينه عليها.. دي كانت الكينج محمد منير.. اللي أول ماطل علينا وكل القلوب هفهفت من جمال طاقته وروحه وغناه اللي لسة أخضر».

تصريحات عارفة عبدالرسول

واختتمت: «يرجع بألف سلامة وعافية ويشجينا كمان وكمان.. أنا قلبي فرحان ومزأطت وبقول للمخرج أنت فعلا المخرج الأهم.. كريم الشناوي».