عامل البناء الكفيف: لما الناس عرفت إن نظري تعبان مش بياخدوني في شغل.. فيديو

تحدث عم مصطفى، عامل البناء الكفيف، عن تفاصيل حياته اليومية ومعاناته مع فقدان البصر، مؤكدًا أنه يتمسك بالأمل في استعادة بصره يومًا ما، ويستمد قوته من أبنائه الذين يرافقانه في العمل ويساعدانه في أداء مهامه.

وقال خلال لقائه مع الإعلامية نهال طايل في برنامج 'تفاصيل' المذاع على قناة 'صدى البلد2': 'الناس دايمًا بتقولي ربنا معاك وربنا يساعدك، وهنعمل إيه، هي الحياة كده ، والكلام ده هو اللي بيصبرنا على المعيشة وعلى تربية عيالي'.

وأضاف: 'أنا بطلب من ربنا ، نور عيني، فأنا عندي أمل كبير في ربنا إنه يرزقني الإبصار من جديد، ياسين بينزل معايا الشغل، ومحمد نور عيني، والاتنين بيبدلوا عليا، وأنا بستند عليهم في كل حاجة'.

وأوضح: 'لما الناس عرفت إن نظري تعبان، بقوا ساعات ميبقوش ياخدوني في شغل، خصوصًا لو فيه عفش أو حاجات ممكن تتكسر، بيخافوا على حاجتهم، وده بيأثر فيا من جوايا'.

ووجه رسالة إلى الشباب: 'أي شاب بيقول مفيش شغل أو يائس، أقوله ربنا يهديك، وشيل المسؤولية، لأن الدنيا كلها مسؤولية'.

وتابع: 'ولادي هما عيني وحيلي وكل حاجة فيا، وأنا بستند عليهم، وياسين عنده 11 سنة، ومحمد عنده 12 سنة، وياسين ومحمد الاتنين زي بعض، ومقدرش أفرق بينهم أو أفضل واحد على التاني، وزوجتي على راسي من فوق، وهي سند كبير ليا في حياتي'.