عايدة رياض تكشف تفاصيل جديدة في قضية حبسها

حرصت الفنانة عايدة رياض على تصحيح معلومة مغلوطة مع الجمهور بأن حبسها لم يكن بسبب قضية مخلة بالآداب ولكن بسبب أموال مزورة.

عايدة رياض ومحرم فؤاد

وقالت عايدة، في تصريحات تليفزيونية: «لما جه البوليس البيت قابلوا محرم فؤاد، وأخبروه بالقبض على فتاة وبحوزتها 100 دولار مزيفة، وبسؤالها قالن انها وخداها من مدام عايدة رياض، ولما وصلنا القسم جات مكالمة لمحرم من زوجة مخرج».

وتابعت رياض في تصريحاتها: «كان نفسي الناس تتحقق قبل ما يظلموني، ويرجعوا لمديرية الأمن ويعرفوا أنا كنت فين، والقصة كلها كانت متلفقة لي من الأول».

وأوضحت عايدة رياض: «أنا مكنتش حاسة بالدنيا وقتها وكنت كأن قطر خدني، ودي حاجة مش سهلة، وأنا مبقتش مستطعمة أقول إني مظلومة».

وتابعت: «محرم فؤاد اتخانق مع الضابط عشاني وده اللي أخرنا وقتها في المديرية، ووقف ترافع عني أمام القاضي في المحكمة».

عايدة رياض وصلاح فايز

وأضافت عايدة: «أستاذ صلاح فايز عمل أغنية عن قصتي اللي اتعرضتلها وسماها ظالمة ليه يا دنيا وكان صديق شخصي لينا أنا ومحرم».