"عايزة أشوف بابا تاني".. ابنة شهيد الشهامة بالمنوفية تودع والدها بكلمات مؤثرة

تختصر طفلة صغيرة لا يتعدى عمرها الـ 8 سنوات معنى الفقد بكلمات بسيطة، بعدما فقدت والدها وحيد متولي البطل الذي ضحى بحياته تحت عجلات القطار لإنقاذ فتاة، لتبقى ذكراه بطلاً في عيون الجميع، وأبًا لن يعود في عيون أطفاله.

وقالت شيماء، خلال لقائها مع الإعلامية نهال طايل في برنامج 'تفاصيل' المذاع على قناة 'صدى البلد2': 'بابا مش هنشوفه تاني، يعني لما نيجي من الدروس مش هنلاقيه يقعد يضحك ويهزر معانا تاني، نفسي أشوف بابا تاني وحشني أوي'.

وأضافت: 'عايزة بابا يلعب معايا ويخدني في حضنه تاني، عايزة أخرج تاني مع بابا'.

ومن جانبها وقالت زوجة وحيد، أنها عندما سمعت خبر اصطدام القطار بزوجها، هرولت إلى المستشفى، وعندما ذهبت علمت أن زوجها كان يحاول إنقاذ فتاة أثناء عبورها المزلقان.

وأوضحت زوجة وحيد: كنت دايما بقوله أهم حاجة في حياتنا إننا نكون حنينين على أولادنا، لازم أقوم عشان أخلي بالي من الأسرة، وأنا عارفة إنه في الجنة.

وذكرت: وحيد كان في السعودية من سنة، ولقي فجأة أوتوبيس بيولع في بنزينه وأسرع خد الأوتوبيس وطلعه بره البنزين، وأخرج الأطفال من الأوتوبيس، وأهالي الأطفال كرموه.