ابني طردنا في الشارع أنا ومراته مرة واحدة عشان يبيع البيت .. بهذه الكلمات روت السيدة زينب؛ تفاصيل مؤلمة وقاسية عن معاناتها مع ابنها بسبب شهواته ونزواته الزائدة، وقيامه بطردها هي وزوجته من المنزل في الشارع.
وقالت الحاجة زينب خلال لقائها مع الإعلامية نهال طايل ببرنامج «تفاصيل» المذاع على قناة صدى البلد، «ابني طردنا من الشارع أنا ومراته مرة واحدة عشان يبيع البيت، وبيقول محدش ليه عندي حاجة، والناس اللي في البلد كلها كانت بتقوله مينفعش تبيع البيت ده بتاع أمك ومراتك اللي باعت نصيبها من ورث أهلها عشان تبني معاك البيت».
وأكملت السيدة زينب: «أمنتهم وخانوني، وبصرف من معاش السادات وعمدة البلد نصحني أرفع قضية وابني طردني من البيت أنا ومراته من غير هدوم، ومراته لقت أخواتها أعطوها هدوم وكسوها من الشارع، وأنا ملقيتش حد ومعرفتش أروح فين».
وأردفت السيدة زينب خلال لقائه مع الإعلامية نهال طايل، قائلةً: «لو بإيدي وقادرة أعمل حاجة هعملها، ده أنا فضلت شغالة 45 سنة خدامة في البيوت عشان أربي عيالي وفي الآخر ده يحصلي».
واختتمت السيدة زينب حديثها، قائلةً: «بقعد أحسبن عليه ليل نهار وأقول حسبي الله ونعم الوكيل، وهو مش همه أي حاجة، وعمري ما هدعيله في يوم أبدًا بسبب اللي عمله فيا انا ومراته ده».
