عبيدة تكشف كواليس مشاهدها الصعبة في فيديو كليب ألبومها الجديد

كشفت الفنانة عبيدة عن كواليس تصوير مشاهدها في أحدث أعمالها الغنائية المصورة على طريقة الفيديو كليب، مؤكدة أنها واجهت لحظات صعبة ومرهقة أثناء التصوير بسبب طبيعة المشاهد وتغير اللوكيشن باستمرار.

وأوضحت عبيدة في لقاء خاص مع الإعلامية شيرين سليمان في برنامج سبوت لايت، المذاع على قناة صدى البلد، قائلة: "بنصور بالمشهد، يعني إحنا كنا بنصور أيام التصوير على حسب المكان واللوكيشن والمشهد زي ما المسلسلات بتتصور، فإحنا في المكان ده نصور المشهد ده وراه ممكن نصور مشهد تاني يكون من الكليب التاني".

وأضافت عبيدة قائلة: "فأنا مطالبة أغير وأغير ميك آب وأغير مود، فحتى بعد ما نقول اللي بعده أقولها هنضحك ولا هنعيط؟ الدراما ولا التانية؟ ده كان صعب ومرهق ومحتاج بروفيشناليتي من الكل، والحمد لله أنا كنت محظوظة بالكرو كله وأعتقد إن أنا الحمد لله متعبتهمش".

وتطرقت عبيدة إلى كواليس مشهد الحادثة في الكليب قائلة: "المشهد بتاع الحادثة أنا وقعت فيه وقعة وحشة جدًا، هي قالت لي متتهوريش أنا هاخدها في الضيق، بس أنا اتزحلقت، الجرية اللي في الآخر، إن هو واحد بيحاول يعاكسني وأنا بجري منه وبعدين بخبط بقى في إسلام اللي هو بحبه في الكليب اللي بعده، وأنا بجري الجرية دي كانت الدنيا ممطرة اليوم ده فالشارع كان مزحلق فوقعت وقعة وحشة أوي على ضهري، كان ده من أصعب اللحظات، كانت إصابة صعبة بس كملت تصوير".

وأوضحت عبيدة أنها أصرت على استكمال التصوير رغم الإصابة، قائلة: "يعني بتول عرفة قالت لي طب خلاص طب هتصرف، طب مش قادرة؟ طب نروح مستشفى؟ قلتلها لأ أنا هبقى كويسة وهكمل تصوير.. وكملت".

https://youtu.be/Td6T2xImv6U?si=U5GHGEJoWDH9npIp