عبير صبري عن وقف مطربي المهرجانات : ظلم إحنا مش فى درس تربية قومية

علقت الفنانة عبير صبري على قرار نقابة المهن الموسيقية بوقف عدد من مطربي المهرجانات الشعبية .

وكتبت عبير صبري عبر صفحتها بموقع «فيس بوك»: «مش عاجبني قرار وقف مطربي المهرجانات نهائي وهو قرار ظالم ومش هينجح لأن اللون ده محبوب وموجود وله جمهور كبير جدا داخل وخارج مصر والناس بتحبهم جدا ومينفعش لون غنائي يحظر إحنا مش في درس تربية قومية».

وأضافت عبير صبري: «الناس أحرار فيما تسمع وتشاهد، وإذا كان فيه خطأ نقابي يتحل معاهم مش تتعمل مذبحة على الناس اللي بتقدمه المهرجانات لون مفرح ومبهج والناس بره في كل مكان سافرته أول ما أغنية مهرجان بتتسمع الدنيا بتبقى سعادة وفرح للناس».

وتابعت، «فيه فنانين من كل الدول بقت بتاخد شبه أغانيهم وتقلدها لأن الناس حباها، أنا ضد منعهم وضد منع أي فنان من عمله.. سيبوا الناس تشتغل والجمهور يفرز ويختار بيسمع إيه ومين وبلاش تكونوا أوصياء على الناس».

وأصدرت نقابة المهن الموسيقية، برئاسة الفنان هاني شاكر، بيانا أوضحت فيه كل أسماء الممنوعين عن الغناء منهم حمو بيكا وحسن شاكوش .

وتضمنت القائمة 19 اسمًا، وهم حمو بيكا، حسن شاكوش الذي تم إلغاء تصريحه سنويا، و كزبرة وحنجرة، مصطفى زكريا الشهير بـ مسلم، أبو ليلة، أحمد قاسم الشهير بـ فيلو، أحمد موزة، حمو طيخة، ريشا كوستا وسمارة، شواحة.

بالإضافة إلى ولاد سليم، العصابة، الزعيم، علاء فيفتي، فرقة الكعب العالي، مجدي شطا، وزة مطرية، شكل، عمرو حاحا .

وقد أصدرت نقابة المهن الموسيقية عدة قرارت، أبرزها منع الغناء على طريقة البلاي باك، أو باستخدام الفلاشة، وفرض غرامات على المطربين الذين يتخطوا هذا القرار، وكان المطرب أحمد سعد أول من أوقعت النقابة عليه غرامة بسبب الغناء على طريقة البلاي باك.

عبير صبري: «مش هتبرع بأعضائي بعد عمر طويل »

عبير صبري بالنقاب و هنادي مهنا بالخمار فى فيلم «ليلة العيد» .. فيديو