عزة مصطفى: في سودانيين جايين بأجندات ضد مصر.. عاوزين يرجعوا ختان الإناث

كشفت الإعلامية عزة مصطفى، أن هناك سودانيين وغيرهم جايين مصر بأجندات سياسية ودينية واجتماعية مثل ختان الإناث من أجل العودة للخلف.

وتابعت خلال تقديم برنامج صالة التحرير، المذاع على قناة صدى البلد، أن هناك أطباء سودانيين يروجون لختان الإناث في فيصل وعاملين سداح مداح وعاملين هيصة، وسايبين أرقام تليفوناتهم والسعر 3000 جنيه.

وقالت الإعلامية عزة مصطفى، ياجماعة الناس دي متنفعش كده، المشرحة مش ناقصة قتلة، لو في بلدهم كانوا أتحاكموا، مضيفة: في كلام عن ترحيل بعض منهم وأنا بقول، شابوه لمن فعل كده.

وأردفت: عملنا شغل جبار في مصر من أزهر وأوقاف والمجلس القومي للمرأة وكانت هيصة من كل الأجهزة اللي اشتغلت وصرفنا كتير عشان نقدر نجرم وننهي ختان الإناث في مصر، وبعد المجهود ده كله يجيلك سوادنيين يعملوا إعلانات حلوة على السوشيال ميديا عشان ختان الإناث.