«عشت أسوأ يومين».. عزيز الشافعي يكشف كواليس أزمة أغنية بحرية وموقف شيرين وحماقي

تحدث الملحن عزيز الشافعي عن أزمة انتقادت أغنية بحرية التي تجمع الفنانة شيرين عبدالوهاب، والفنان محمد حماقي لأول مرة.

قال عزيز الشافعي عبر تصريحات تلفزيونية، إنه عاش أسوأ يومين في حياته على الإطلاق بسبب تأثره بالهجوم الذي واجهه لأول مرة في حياته.

وتابع: «أنا بشوف إن كل الأغاني اللي اتهاجمت نجحت وده اللي حصل في أغنية بحرية، والناس بدأوا يشتموني من قبل ما الأغنية تنزل، ولما نزلت وكانت منتشرة ومحدش بيهاجم حماقي أو شيرين».

واستكمل عزيز الشافعي: «وكانت غريبة أوي أن لو أغنية معجبتش حد يهاجم الملحن، وإحنا لما بنشوف أن حد بيقول الأغنية وحشة إحنا كمان بنحس أن الأغنية وحشة، وقضيت أول يومين في أغنية بحرية أسوأ أيام حياتي، وشيرين وحماقي من أول لحظة شافوا اللي حصل، وأول مرة في حياتي اتهاجم ومكنتش عارف أستخبى فين وقفلت تليفوني مش عايز أتكلم مع حد».

وأضاف: «والناس عملت فيديوهات وقالت حسبي الله ونعم الوكيل في عزيز الشافعي، كأني عملت مصيبة والأغنية مفيش فيها إسفاف، وحماقي وشيرين كلموني يتطمنوا عليا وشيرين تحسي أنها أمي مش صاحبتي ولا نجمة بتغني معايا، وكانت بتتكلم بمشاعر هما ليه بيعملوا كده وبيتكلموا عليك أنت؟».

واختتم حديثه بكواليس أغنية الحضن شوك: «شيرين كان عندها مرحلة صعبة وبعدت، وكلمتني وقالتلي أنا نفسي مفتوحة وعايزة أغني وعايزة أنزل كل أسبوع أغنية، وقالت عايزة أعمل أغنية دراما تبقى رسالة عايزة أطلعها من جوايا وأقولها علشان أستريح.. والأغنية كانت عن واحدة متضايقة أنها جاية الدنيا».