عصام صاصا بعد التصالح مع أسرة ضحية «الدهس»: أهم حاجة أرضي أهل المتوفى

حرص مؤدي المهرجانات عصام صاصا على التعليق بعد تنازل أسرة ضحية قضية الدهس، التي تسبب فيها بوفاة شخص على الطريق الدائري.

كتب عصام صاصا في منشور عبر حسابه الرسمي بموقع انستجرام: «الحمد الله على كل حاجة، أنا راضي بقضاء ربنا سبحانه وتعالى».

عصام صاصا يعلق على تنازل أسرة ضحية قضية الدهس

وتابع: «أنا كان أهم حاجة أرضي أهلية المتوفى، وميكونوش زعلانين مني، وأنا عملت اللي عليا وكل حاجة بتاعت ربنا، لأن ربنا وحده اللي عالم أنا كنت عامل إزاي بسبب الحادث».

واستكمل عصام صاصا تعليقه: «وأنا عارف إن ربنا مش هيسيبني ودائمًا جنبي، والحمد لله تاني ربنا بيجيب كل حاجة كويسة، إدعولي أنا محتاج دعوة كل واحد.. إوعوا تنسوني».

عصام صاصا

تصالح عصام صاصا وأسرة ضحيته

ومن جانبها، أعلنت الإعلامية سارة خليفة انتهاء الأزمة بشكل نهائي مع أسرة الشاب المتوفي، بعدما تم التصالح بعد وساطة سيد الصعيدي.

وعلقت على صورة جمعتها مع عصام صاصا عبر حسابها بموقع انستجرام: «عايزين أنا وأخويا عصام صاصا نشكر سيد الصعيدي، اللي تعب معانا، ومؤمن العبد، على السعي في حل الأزمة مع أهل المتوفي بالطريقة التي ترضيهم وعايزين كمان نشكر النجم محمود الليثي اللي راح للمحامي وقعد معاه لحل المشكلة، ونتمنى من الجمهور أي يدعم عصام صاصا ويقف معاه للنهاية».

حادث عصام صاصا

شهدت قضية عصام صاصا العديد من التطورات والأحداث الجديدة، بعد حوالي شهر من حادث دهسه لشخص على الطريق الدائري أثناء عبور الأخير.

وتأتي تطورات قضية عصام صاصا تزامنًا مع موعد أولى جلسات محاكمة مؤدي المهرجانات، حيث قال دفاع صاصا، أمام محكمة جنايات الجيزة اليوم الأربعاء 12 يونيو 2024 إن أسرة الضحية تنازلت بمحض إرداتها دون أي تدخل.

طالب الدفاع أيضًا برفع اسم عصام صاصا من قوائم ترقب الوصول، كما تعهد أمام المحكمة بأن يحضر موكله احترامًا للقضاء المصري.

ومن جانبها، كانت قد تقدمت أرملة أحمد مفتاح ضحية الدهس، بطلب تنازل عن القضية، وقدم صاصا وأسرته واجب العزاء في ضحية الدهس باليوم الأربعين لوفاته، عن طريق محامية.

أما نيابة العمرانية فكانت قد قررت إحالة مؤدي المهرجانات عصام صاصا إلى محكمة الجنايات، بتهمة القتل الخطأ وتعاطي مواد مخدرة وقيادة سيارة تحت تاثير المخدر، وثبت في تقرير الطب الشرعي ظهور آثار لمخدر الحشيش والترامادول، ومشتقات الميثامفيتامين، وعليه قررت النيابة ضبطه وإحضاره في قضية دهس شاب أعلى الطريق الدائري، بعد ثبوت القيادة تحت تأثير المخدر.

كما قررت محكمة جنايات الجيزة اليوم الأربعاء، تأجيل أولى جلسات المحاكمة لجلسة 11 أغسطس 2024.

عصام صاصا