عصام عمر بطل مسلسل بالطو يؤيد عارفة عبد الرسول بعد نشر صورتها في البحر

ياسمين حمادة 25 فبراير 2023 | 05:24 مساءً

أيد الفنان عصام عمر الفنانة عارفة عبد الرسول بعد انتقاد صورها، في فكرة الاهتمام بالعمل على حساب الشكل، وأن هدفه المهنة نفسها وليس الشهرة أو أي شيء آخر.

عصام عمر وعارفة عبد الرسول

وتابع الفنان عصام عمر في تصريحات تلفزيونية له قائلًا: «أنا شايف الشغلانة اللي إحنا بنشتغلها دي زي الأستاذ يوسف شاهين ما قال كده مكنش نفسنا نجيب أحسن عربيات إحنا عايزين نعملها عشان إحنا بنحب السينما، وأنا مش عايز أعمل غير كده عايز أفضل أعمل أفلام وشغل عشان أنا بحب ده والناس يوصلها فكرة تنور في دماغها ولأن أنا كنت حاجة والأفلام هي اللي غيرتني».

واختتم بطل مسلسل بالطو قائلًا: «أنا قاعد في بيتنا بتفرج على فيلم هو اللي خلاني أقول عايز أبقى بني آدم كويس، نافع، زي فيلم المنسي وفيلم المدينة».

تصريحات عارفة عبد الرسول

ترد الفنانة عارفة عبد الرسول على انتقادات صورها بين فترة وأخرى، موضحة أنها تقول ما في قلبها وتكشف عن آرائها بحرية وتتصرف بعفوية دون الانشغال بردود الفعل.

قالت عارفة عبد الرسول في تصريحات تلفزيونية لها: «لساني فالت أعمل إيه أنا بتكلم بطبيعتي ومبقصدش حاجة خالص فبتفاجئ إن الناس كبرت الأمور».

وأضافت الفنانة عارفة عبد الرسول ردها على انتقادات صورها، قائلة: «أنا بتعامل عادي وعلى طبيعتي واللي بيديني مصروف يقطعه معنديش مشكلة مع أي حد، وبظهر بطبيعتي حتى الصورة المقصودة مكنش ظاهر فيها المايوه».