عصام عمر عن بالطو: مكنتش حابب أعمله ولا عايز ألبس عمر المهندس في حيطة

قال الفنان عصام عمر بطل مسلسل بالطو، إنه رفض دور البطولة في العمل ، حينما عُرض عليه لأول مرة، بل أخبر المخرج أنه من الأفضل اختيار ممثل أكثر موهبة وشهرة منه، حتى يضيف نجاحًا حقيقياً للعمل.

وتابع عصام عمر، في تصريحات تليفزيونية، أن المخرج عمر المهندس تمسك به، ورفض إسناد دور البطولة لأي ممثل آخر، قائلا: في البداية مكنتش حابب إن أنا أعمل المسلسل، مكنتش حابب ابقي بطل ولا اعمل ده دلوقت خالص، مكنتش مقتنع وحاسس إن ممكن نجيب ممثل تاني أفضل ومشهور أكتر، فهينفعهم.

عصام عمر: عمر المهندس صاحبي من زمان وأخويا

عصام عمر استكمل: عمر المهندس صاحبي من زمان وأخويا فمكنتش عاوز في أول تجربة ليه ألبسه في حيطة.. كنت عاوز ممثل جامد مشهور يبقى مكاني بحيث عمر تجربته تنجح.. لكن عمر قالي مش هعمله غير بيك.. وقد كان.

وأضاف عصام عمر: الموضوع مش إني أكون بطل وخلاص.. الموضوع هل هقدر أقدم حاجة تستاهل ولا هتقدم لهم كبطل وهتبقى الناس بتضيع وقتها علي حاجة مش محترماها.. كان نفسي ابقي بعمل حاجة حلوة بس.

فريق عمل مسلسل بالطو

مسلسل بالطو بطولة عصام عمر، مريم الجندي، محمود حافظ، محمود البزاوي، محمد محمود، عارفة عبد الرسول ومحمد رضوان، تأليف أحمد عاطف، ومن إخراج عمر المهندس.

مواعيد عرض مسلسل بالطو الحلقة 3

مشاهدة مسلسل بالطو الحلقة 5.. سر الغرفة المغلقة

أحداث مسلسل بالطو الحلقة 6.. ماذا يحدث بعد خطف الدكتور عاطف ؟

عصام عمر بطل مسلسل بالطو يفجر مفاجأة: رفضت الدور في البداية