عصام عمر: «كل الناس قابلة للتعويض إلا أبويا وأمي»

تحدث الفنان عصام عمر عن علاقته بعائلته، مؤكدًا على أن كل الناس قابلة للتعويض باستثناء والده ووالدته، قائلاً: «كل الناس قابلة للتعويض ما عدا أمي وأبويا وبخاف على زعلهم أوي».

وقال عصام عمر، في تصريحات إذاعية، أنه لا يحب انتشار صوره الشخصية في مقابل صور العمل، قائلاً: «بحب الصور توصَّل شغلي لكن قليل أوي لما بطلع حاجة شخصية».

واستطرد عصام عمر قائلا: «بهتم صورتي تبقى حقيقية ومش بحب الفلاتر .. ولو حد فهمني غلط في البداية كنت مبحبش أحسن صورتي بس لما كبرت في ناس مهمة في حياتي لازم أقولهم الحكاية مباشرة».

وأكد عصام عمر على أنه لا يحكم بالظاهر على الآخرين قائلاً: «واحنا صغيرين كنا بنحكم بالشكل بس لما بتكبر بنعرف إن محدش غلطان بالكامل والناس كلها معذورة».

وكشف عصام عمر عن صفات شخصية وطباع خاصة به قائلا:«محدش مسموح له يشوف عيوبي ومش كل الناس لازم تعرف كل حاجة.. ومبحبش أقرب من الناس أوي.. بحب أعيش في اللالالاند عشان لو قربت من الناس هشوف حاجات مش هتعجبني».