عصام كاريكا عن عمرو مصطفى: هينسى التلحين بسبب المشاكل.. وهذه نصيحتي له

تحدث الفنان عصام كاريكا، عن تصرفات الملحن عمرو مصطفى خلال الفترة الماضية، وحرص على أن يُشيد بأداء الملحن عزيز الشافعي.

عصام كاريكا يتحدث عن عمرو مصطفى

قال عصام كاريكا في تصريحات تلفزيونية أن عمرو مصطفى من أهم الملحنيين في الساحة الغنائية، ولكنه أخطأ بالخلافات التي نشبها مع المطربين، وقال: 'إتجاه عمرو مصطفى للمشاكل خلال الفترة الأخيرة مع النجوم هتخليه ينسى التلحين، وعامل مشاكل مع الأستاذ محسن جابر وعمرو دياب، يمكن هو عنده وجهة نظر وصح'.

واستكمل حديثه، وقال: 'كتر مشاكل عمرو مصطفى مع الفنانين هتخليه ينسى التلحين، وأنصحه إنه يركز في الشغل، وأدي النجوم ومتحطس شروط وماتقولش لحد يلا بالسلامة، لما ده بالسلامة وده بالسلامة هتلاقي نفسك في الآخر بتلحن لناس عادية'.

وأضاف: 'عمرو مصطفى كملحن عبقري وكاتشي أوي وهتلاقي عنده جمل تقوم لازقه مع الناس زي أغنية بشرة خير'.

عصام كاريكا يتحدث عن عزيز الشافعي ومحمد رحيم

يقول عصام كاريكا عن الملحن والموزع الموسيقي عزيز الشافعي والمحلن محمد رحيم: 'استاذ كبير، وبعتبره نمبر وان في التحلين في الوقت الحالي، أما رحيم عنده جمل أنا كملحن لما بسمعها بقوله يخربيتك أنت مش هتنيمني، أنت أزاي عملتها، بيجني بجد'.

عصام كاريكا يتحدث عن محمد رمضان

وعلى جانب أخر تحدث المطرب والمحلن عصام كاريكا، عن تصرفات الفنان محمد رمضان، وظهوره وهو يضع النقود بجانبه ومشيرًا إلى أنه يستفز الكثيرين.

قال عصام كاريكا، في تصريحات تلفزيونية: 'محمد رمضان بتاع شو أوي و بيستفز الناس وفيه غلابة كتير بتشوفه، شارك جمهورك وقول أنك كسبت فلوس وأحمد ربنا، أنما متطلعش تحط الفلوس جنبك كدة، ورقة منهم تعيش أسرة شهر'.

تصريحات عصام كاريكا

وعلق عصام كاريكا، بشأن ظهور محمد رمضان بدون ملابس في حفلاته، وقال: 'الناس كلها بتنقده أنه بيطلع عريان على المسرح، الناس عارفة أن جسمك رياضي ومية مية، بس في أخواتنا البنات بتتفرج عليك، أنت أغانيك مكسرة الدنيا، نصيحة مني شاور لابس قبل ما تظهر، و لم الناس حواليك، الناس بتحبك واتلمت حواليك في رمضان في مسلسل جعفر العمدة'.