عفاف مصطفى: هيجي يوم وهحكي موقف يثير الضحك والإنسانية مع عادل إمام على الملئ

الفنانة عفاف مصطفى واصلت حديثها عن الزعيم عادل إمام بعد إثارتها الجدل الأيام الماضية بطلبها رؤيته لأنها الوحيدة التي تستطيع اضحاكه، حسبما صرحت.

عفاف مصطفى تتحدث عن عادل إمام

قالت عفاف مصطفى عبر حسابها بموقع التواصل الاجتماعي فيسبوك: 'طالما موضوع الأستاذ الكبير عادل اتجه للجد وتطور، اقولكم بقى سبب اصراري واستماتتي في لقائه ‘عادل امام'.

وتابعت: 'اولًا الراجل ده علمني يعني إيه شجاعة التسامح عندما تعاملت معه بداية تعارفي به وكان صدام لا يقبل ابدًا ابدًا ابدًا، تعاملت مع فارس النبلاء واشجع راجل في الوسط الفني عادل امام'.

واستكملت حديثها، وقالت: 'بداية تعارفي بيه هو نفسه ذكرها لزميلة بكل شجاعة وثقة وبساطة وأنا خجلت إن اؤكد كلامه من أجله، لكن هو صفحة منيرة ساطعة لأي حد يقراها'.

تصريحات عفاف مصطفى

وواصلت عفاف مصطفى حديثها، وقالت: 'الموضوع مش موضوع عرفته لما اشتغلت معاه وكلام من ده، عادل امام فلته من فلتات الزمن في الثقة بالنفس بزيادة بقولكم فارس النبلاء، تعلمت منه المواجهة والصدق صدقوني والتسامح. عادل امام كان اي حد يتصل بيه يرد قبل اغلاق تليفوناته'.

واختتمت حديثها وقالت: 'ارجع للموقف اللي لا يمكن احكيه إلا إذا سمح لي الزعيم بنفسه، الموقف اللي ساب عندي انطباع إن الأستاذ إنسان يستحق أن اقاتل من اجل الاطمئنان عليه ورؤياه إن سنتحت الظروف، موقف لا استطيع ذكره إلا لو الاستاذ عادل ذكره أو سمح لي بسرده لأنه محتاج ساعات لاحكيه، موقف يثير الضحك والانسانية في ذات الوقت واكيد هييجي اليوم اللي احكي بقى علة الملأ، تحياتي لمعلمي الفارس الشجاع النبيل عادل امام الاب الروحي لنا والمعلم والنجم والرمز والنبل والاخلاق'.

عفاف مصطفى وعادل إمام

كشفت الفنانة عفاف مصطفى، كواليس خلافها مع أسرة الزعيم عادل إمام بسبب منعهم زيارتها لوالدهم.

وقالت عفاف مصطفى، ببرنامج تفاصيل الذي تقدمه الإعلامية نهال طايل عبر قناة صدى البلد 2، إن الزعيم عادل إمام هو من قام بترشيحها لمسلسل أستاذ ورئيس قسم الذي عرض في عام 2011.

وتابعت: «أنا اتعودت أتواصل مع عادل إمام تلفونيا أو أروح اللوكيشن أسلم عليه وأباركله سواء كنت بشارك في العمل معاه أو لا ، وهو شخصية جميلة ولطيفة جدا وفوق الصورة اللي الناس بتتكلم عنها».

عفاف مصطفى

وأوضحت: الزعيم هو من رشحني لدور بمسلسل أستاذ ورئيس قسم، وكان دايما يقولي يا بت يا عفاف أنا محدش بيضحكني في أي لوكيشن زيك.

واستكملت: كان بيبقى مبسوط لما بكون قاعدة معاه، ودايما بحكيله أنا بعمل إيه.. لما بيكلمني ويلاقي صوتي مش كويس كان يقولي ابعتلك دكتور، وتاني يوم يتصل بيا يطمن عليا، هو حد ودود ومحترم رغم كونه قيمة وقامة فنية كبيرة ولكنه متواضع للغاية.

وتابعت عفاف: رامي إمام أنا أعرفه كويس واشتغلت معاه في مسلسلين العراف وعايزة أتجوز، وهو انسان خجول جدا أكتر ما الناس تتخيل، وأبناء عادل إمام إتربوا تربية خاصة، و رامي مبيردش على موبايله، وبيرفض الرد على كافة الرسائل للإطمئنان على عادل امام، ومن حقي أسال على الزعيم وأشوفه.

وأضافت: أنا كنت جارت الزعيم عادل إمام في المهندسين وهو معرفة قديمة ومكنش فيه تواصل بينا ولكن علاقتنا أصبحت قوية بعد مسلسل العراف، وكنت استشيره في كافة أعمالي.