علاء مرسي: دوري في مرعي البريمو مش طموحي ولو رجع بيا الزمن مش هوافق عليه

تحدث الفنان علاء مرسي عن مشاركته في بطولة فيلم مرعي البريمو، مع الفنان محمد هنيدي، قائلًا: «فيلم لطيف خفيف مش عايزين نديله أزيد من كدا ومش عايزين نقلل من أهميته».

وتابع علاء مرسي في تصريحات تلفزيونية له، عن فيلم مرعي البريمو: «فيلم العائلات دخلت انبسطت وخرجت، لو مكنش الهجوم المسبق الزيادة عن اللزوم دا كنت حضرتك تروح تتفرج عليه عادي».

علاء مرسي فيلم مرعي البريمو

وأضاف علاء مرسي قائلًا: «ردود الأفعال متباينة ولكن في هجوم شديد على الفيلم بشكل أوفر، في فيلم ممكن نسبة الهجوم عليه تعلو على نسبة المدح، والهجوم من أساتذة النقاد أنا اتقبله».

وتابع: «أما الهجوم والإساءة والشتيمة، في ولد قاعد على الفيس بوك بشوفه في مهرجانات للأسف الواد دا شتمني أنا وهنيدي تقريبًا بالأب والأم وشتم سعيد حامد.. ودوري في مرعي البريمو مش طموحي».

علاء مرسي

تصريحات علاء مرسي

واستكمل: «هعتبر أن أنا روحت انبسطت وعملت حاجة لطيفة مع هنيدي وخلاص أنما مهواش دور، وأنا معملتش شيء مؤثر في الفيلم، ولو رجع بيا الزمن مش هوافق على الفيلم أو هطلب تعديل كنت عايز أعمله».

وكان قد أعرب الفنان محمد هنيدي عن سعادته الكبيرة باستقبال الجمهور وردود الأفعال حول فيلمه «مرعي البريمو»، قائلًا: «ردود الأفعال كرم كبير من ربنا، والحمد لله الأسرة المصرية حبت الفيلم».

قال محمد هنيدي عن فيلم مرعي البريمو في تصريحات إذاعية له: «إحنا بنتعب علشان الناس ترضى عن الشغل وتنبسط، والحمد لله أول أسبوع مبشر جدًا، وكرم كبير من ربنا».

وتابع: «الكواليس كانت جميلة جدًا، وبقالنا فترة كبيرة لم نتعاون أنا وغادة عادل بعد صعيدي في الجامعة الأمريكية وبلية ودماغه العالية، ومع إن شهادتي مجروحة لكن غادة طالعة سكر في الفيلم، وكل المجموعة والمخرج سعيد حام، وشخصية مرعي بحبها من زمان وكان نفسي أعملها».

واستكمل الفنان محمد هنيدي قائلًا: «ومش محتاج غير حدوتة جميلة أقدمها للجمهور والجمهور بيكون سعيد بعد انتهاء الفيلم، وأهم حاجة إن الجمهور يضحك، وصورنا بعض الأحداث في سهل حشيش بالغردقة لأن بلدنا جنة».

علاء مرسي فيلم مرعي البريمو

علاء مرسي