علاء مرسي: كنت قربت أتجنن في الكبير أوي ومربوحة خافت مني

ياسمين حمادة 02 ابريل 2023 | 12:06 مساءً

تحدث الفنان علاء مرسي عن كواليس مشاركته في مسلسل الكبير أوي 7 ومشاهده مع مربوحة وهي الفنانة رحمة أحمد، حيث قدم شخصية عم فخري.

علاء مرسي مسلسل الكبير أوي 7

قال علاء مرسي في تصريحات تلفزيونية له: «رحمة أحمد كانت مرعوبة من الديكور والمقشات، وكنت مهيأ لها الأجواء كانت في الكواليس قلقانة وبتقول للمخرج أحمد الجندي أنا خايفة منه هيعمل فيا إيه، وكنت قربت أتجنن بسبب عم فخري».

واستكمل الفنان علاء مرسي قائلًا: «لما بتعمل شخصية وأنت حاببها ممكن يحصلك توحد معها أنا بقول للجمهور ثق أن أي عمل درامي بيكون فيه مجهود كبير».

علاء مرسي مسلسل الكبير أوي 7

تصريحات علاء مرسي

وأضاف: «لو حضرت معانا يوم واحد تصوير بعد نص ساعة هتزهق وهتطلب تمشي لأن الثانية اللي بتتفرج عليها بتاخد مجهود 8 ساعات تصوير، المجهود بيأثر على الممثلين وكل العاملين في المهنة».

وعلق على الانتقادات التي تعرضت لها الفنانة رحمة أحمد، قائلًا: «من ليلة رمضان حتى قبل عرض المسلسل كان في انتقادات لمربوحة وكانت نفس الجملة».

واختتم علاء مرسي : «في مجموعة من الناس في مواقع التواصل الاجتماعي مش بتكتب نقد فني بتشتم وبتبقى صفحات وحسابات مغلقة وهي لجان موجودة لهدم الدراما المصرية، اللي بيعمل كده ناس ضد الوطن ناس بتكره الدراما المصرية العربية».

علاء مرسي مسلسل الكبير أوي 7