علا غانم بعد اقتحام الفيلا بسبب طليقها: مطرودة من بيتي

كشفت الفنانة علا غانم تفاصيل تحرير محضر ضد طليقها الساعات القليلة الماضية، بعد اكتشافها أنه قام بتأجير الفيلا الخاصة بها لتصوير إعلانات مقابل مبالغ مالية ضخمة.

قالت علا غانم عبر تصريحات تلفزيونية: «أنا مطرودة برا بيتي بقالي سنة وأربع شهور من فبراير 2023، لحد النهادرة أنا برا بيتي، بعد أن استولى عليه».

اقتحام فيلا علا غانم

وتابعت: «استولى على البيت هو والبلطجية اللي اقتحموا البيت عليا من 2023، قبل تاريخ قرار الخلع بشهر وكمان بيستغل بيتي وبيصور فيه، وبيأجره مقابل 30 و40 و50 ألف جنيه في اليوم».

واستكملت علا غانم حديثها: «وبيدعي إني مأجرة البيت له بعقد مزور أنا لسة مشوفتوش بس أكيد مزور، وبيقول إني مأجرة بيت 1200 متر بألف جنيه في الشهر، مش عارفة إيه في مصر بيتأجر بألف جنيه، إذ كان الشقة الصغيرة الاستديو في أي حتة بتتأجر 5 آلاف جنيه في الشهر».

علا غانم

تصريحات علا غانم

واختتمت: «فأنا مأجرة بيتي لمدة 59 سنة بألف جنيه في شهر وكمان بيأجر بيتي لتصوير مسلسلات وأفلام وإعلانات، وهل بقى الضرائب عارفة الكلام دا، وبعدين هو بيدعي إنه كان بيصرف عليا ليه عايش في بيتي ليه اللي ببني فيه بقالي سنين طوبة طوبة، وفي أصدقاء ليا جم ليا البيت قبل ما أعرفه أصلا».

علا غانم

علا غانم