علا غانم: كنت بكذب وطليقي مش أمريكاني

ياسمين حمادة 08 ابريل 2023 | 07:38 مساءً

كشفت الفنانة علا غانم أسرار وتفاصيل جديدة عن أزمتها مع طليقها، قائلة: «أنا سيدة قوية»، لافتة إلى أنها كانت تكذب في تصريحاتها الطيبة السابقة عن زوجها.

تصريحات علا غانم

قالت علا غانم في تصريحات تلفزيونية لها: «أنا موجودة في مصر من شهر أكتوبر الماضي، لم يشعر أحد بوجودي، كنت أتحدث عن أعمالي فقط وكنت منشغلة بالتحضيرات والبروفات، وكنت أعزم زملائي لكن محدش فيهم عرف أنا بمر بإيه».

وتابعت الفنانة علا غانم : «كنت بكذب جدًا لما قلت إنه بيهتم بيا، عشان أنا عايزة طول الوقت أطلع بصورة معينة، كنت بقول اللي بيرضي المجتمع والناس، أنا بعتبر نفسي ست قوية، مبحبش الحياة الخاصة أنها تبان».

علا غانم

علا غانم وطليقها

واستكملت: «ليه مطلقتش بسكوت وبشياكة، دي اسمها شرشحة فضايح، وأنا مش هنزل لهذا المستوى المتدني، وأنا كنت بديله فلوس مقابل الشغل اللي بيعملهولي وأنا مش هصرف على راجل، أصرف على راجل ليه؟! هو أصغر مني؟! ده أكبر مني بـ15 سنة».

وقالت علا غانم أيضًا في حديثها عن طليقها: «هو أصلا معندوش فلوس، وهو لا امريكاني ولا خالي من العقد، هو من السيدة زينب وعنده أولاد مصريين وأمريكان والمشاكل حصلت من أول كام شهر جواز، وكان بيقولي طب أنا هروح فين وكان بيصعب عليا، في مرة تم اختلاس بمبلغ 270 ألف دولار من الشركة».

علا غانم