علي قدورة بعد إعتزاله الغناء: يارب ارزقني بأي شغل حلال

أعلن علي قدورة، مطرب المهرجانات اعتزاله رسميا الغناء، متبرئًا من كل الأعمال الموسيقية والأغاني التي قدمها.

ونشر علي قدورة عبر حسابه الرسمي على موقع «الفيسبوك» قائلًا: «السلام عليكم في يوم جمعة مبارك أنا علي عبد القادر السيد، الشهير بـ علي قدورة كنت مغني قبل النهاردة في حاجة حصلتلي مش عارف إيه هي بس الحاجة دي هي اللي بتخليني اتكلم دلوقتي، أنا بريء من كل عمل أو مزيكا عملتها في حياتي وبعلن اعتزالي عن مجال الأغاني لحد ما يفتكرني ربنا».

سبب اعتزال علي قدورة الغناء

وتابع: «يارب سامحني عن أي حاجة أنا عملتها في حياتي أو أي حاجة صدرت مني ويارب قربني ليك وافتحلي باب رزق يرضيك ومفيهاش حاجة لو بدأت من جديد في أي شغل بالحلال وأي فلوس معايا أنا هسيبها بالرضى لأهلي ومش عارف هيبقي الصح إيه وهبقي لا امتلك إلا صفر وربنا يثبتني في الطريق ده ومش هطول عليكم بس دي نيتي وربنا كريم و كبير وغفور رحيم».

جدير بالذكر، أن أشهر أغاني التي قدمها علي قدورة، هي: «مبقاش في خير في الناس، مهرجان ملكة جمال، اللي يجي يجي، مصنع أندال، عين الأعدء مش تغمض».