علي قدورة بعد عام من اعتزاله: قابلت اختبارات كتير وكلنا خطائين

شارك علي قدورة متابعيه وجمهوره بنشر صورة له بملابس الإحرام، بعد عام من اعتزاله الغناء والمهرجانات.

وعلق علي قدورة على الصورة التي نشرها عبر حسابه الرسمي بموقع فيس بوك، قائلًا: «تقاربت من السنة وأنا بعيد عن شغل الأغاني».

علي قدورة بعد الاعتزال

وتابع: «وبدأت شغلي في الملابس من ساعتها بس بجد اختبارات كتير قابلتها ولسة بتجيلي كل يوم فأدعو لي بالثبات والتثبيت».

واختتم علي قدورة: «محتاج دعواتكم بجد ربنا يهدينا جميعًا كلنا خطائين ولكن خير الخطائين التوابون».

علي قدورة

اعتزال علي قدورة

يشار إلى أنه في أكتوبر 2023، أعلن علي قدورة مطرب المهرجانات اعتزاله رسميا الغناء، متبرئًا من كل الأعمال الموسيقية والأغاني التي قدمها.

وكتب علي قدورة عبر حسابه الرسمي على «فيس بوك»: «السلام عليكم في يوم جمعة مبارك أنا علي عبد القادر السيد، الشهير بـ علي قدورة كنت مغني قبل النهاردة في حاجة حصلتلي مش عارف إيه هي بس الحاجة دي هي اللي بتخليني اتكلم دلوقتي، أنا بريء من كل عمل أو مزيكا عملتها في حياتي وبعلن اعتزالي عن مجال الأغاني لحد ما يفتكرني ربنا».

وتابع: «يارب سامحني عن أي حاجة أنا عملتها في حياتي أو أي حاجة صدرت مني ويارب قربني ليك وافتحلي باب رزق يرضيك ومفيهاش حاجة لو بدأت من جديد في أي شغل بالحلال وأي فلوس معايا أنا هسيبها بالرضى لأهلي ومش عارف هيبقي الصح إيه وهبقي لا امتلك إلا صفر وربنا يثبتني في الطريق ده ومش هطول عليكم بس دي نيتي وربنا كريم و كبير وغفور رحيم».

علي قدورة بعد اعتزاله