عمرو دياب: أي جائزة باخدها إنتوا اللي بتجيبوها ومش بفكر في إنجازات

علق الفنان عمرو دياب على تحقيقه رقم قياسي جديد في موسوعة جينيس، بعد تتويجه بلقب جديد لتصدره قوائم بيلبورد عربية لـ 69 أسبوعًا.

قال عمرو دياب عبر تصريحات إعلامية: «أي جائزة باخدها إنتوا اللي بتجيبوها لي وأنا معنديش حاجة غيركم ويارب أكون عند حسن ظنكم دايمًا زي ما إحنا متعودين وأنا بجهتهد وبشتغل وبحب شغلي أوي».

وتابع: «وبهتم بجمهوري وبهتم بتفاصيله، وكل فترة بيتغير الجمهور، فأنا لازم أتغير معاه، وده اللي بعرف أعمله.. إنجاز بيبقى على طول، ودي حاجة عرفناها عني، إني أنا بشوف الجمهور في وشي».

واختتم عمرو دياب: «فبشوف قد إيه هو اتقبل الأعمال اللي أنا تعبت فيها واللي أنا بشتغلها.. طالما اتقبلها ده بالنسبة لي إنجاز، ومعنديش إنجاز تاني، وأنا مش بفكر في إنجازات، أنا بفكر أسعد الجمهور وأعمل اللي أنا نفسي فيه».