عمرو رمزي يروي موقفا لا ينسى مع عادل إمام : حطيت رجل على رجل قدامه

ياسمين حمادة 17 مايو 2023 | 06:12 مساءً

حرص الفنان عمرو رمزي على تهنئة الزعيم عادل إمام بمناسبة عيد ميلاده، من خلال نشره صورة جمعتهما من كواليس مسلسل فرقة ناجي عطالله.

عادل إمام وعمرو رمزي

علق عمرو رمزي على صورته مع عادل إمام التي نشرها عبر حسابه الرسمي بموقع فيس بوك، قائلًا: «إيه حكاية الصورة دي في مسلسل فرقه ناجي عطالله للأستاذ عادل إمام».

وأضاف: «وإحنا في بيروت بنصور مشاهد الجبال اللي هربنا ليها بعد عملية البنك، كنا بنصور في بيت لبناني جميل قوي أخدنا استراحة عشان ناكل حاجة، وبعد الغدا فجأة الأستاذ عادل قالي البرنامج بتاع حيلهم بينهم كان بيضحكني قوي».

عادل إمام وعمرو رمزي

عيد ميلاد عادل إمام

وتابع الفنان عمرو رمزي في عيد ميلاد عادل إمام، قائلًا: «وقالي أنت كنت غلس قوي يا واد بس عملت ضحك بتاعك لوحدك، والله فاكر الكلام دا بالحرف قلتله يا أستاذ دا حتة برنامج مش فيلم سينما».

واستكمل: «قالي هي دي عبقريته يا عبيط و هيعيش كتير جدًا.. فأنا شيطاني قالي طيب ما نهزر شوية قلت له يا أستاذ طب ما تيجي نعمل حيلهم بينهم سوا.. قالي أنت عاوز تاخد لقطة وحركات يعني قلتله اه صراحة.. وجابولنا الكراسي وقعدت حطيت رجل علي رجل قدام عادل إمام.. وقالهم يالا صورونا».

واختتم عمرو رمزي موقفه مع عادل إمام قائلًا: «اتمطعت وقلت 3. 2. 1.. ورحت قايله ليه كل اعمالك فشلت؟... و تييييييييييت.. كل سنة وأنت بألف خير وصحة يا زعيم الضحك في العالم».

عادل إمام وعمرو رمزي