عمرو سعد يكشف سر إصراره على أحجار كريمة أصلية في الأجهر

إسماعيل هاني 01 مايو 2023 | 01:00 صباحاً

تحدث الفنان عمرو سعد عن مسلسل الأجهر الذي خاض من خلاله المنافسة في موسم دراما رمضان 2023.

عمرو سعد: الأحجار الكريمة في المسلسل أصلية وليست تقليد

وقال عمرو سعد، في تصريحات تليفزيونية، إن الأحجار الكريمة التي ظهرت في المسلسل أصلية وليست تقليد مؤكدا أنها من أجود أنواع الاحجار.

وتابع عمرو: : صورنا في نيروبي وحسيت إني في مسترد، وطول ما إحنا ماشيين حمدت ربنا إننا عايشين في مصر، لعدم وجود كهرباء، ودخلنا فندق ممكن في لحظة تطلع عليك حيوانات، واكتشفت إن وحيد القرن منقرضش ومالي كينيا،

وفوجئنا بوحيد القرن واضطر السواق يوقف العربية، عشان وحيد القرن كان مع عيلته وحيوان بيغير جدا على مراته وممكن يدمر العربية.

عمرو سعد: لم ألجأ للبس الإكسسوارات بدل الأحجار الكريمة

وأوضح، أنه لم يلجأ للبس الاكسسوارات بدل الأحجار الكريمة مؤكدا (أنا ممثل حساس مقدرش ألبس حاجة مزيفة، وطلبت من الإنتاج يتصرفوا).

وأضاف: الألماس اللي أنا لابسه دلوقتي في البرنامج حقيقي واللي كنت لابسه في المسلسل كان حقيقي واللؤلؤ في المسلسل كان كله طبيعي ومن أحسن الأنواع في العالم، وده أنا أخذته وكان معانا حجر 25 قيراط ثمنه مليون و800 ألف دولار.