عمرو سلامة: وفاة مصطفى درويش تسببت في أزمة لفيلم شماريخ.. لم أحذف مشاهده

تحدث المخرج عمرو سلامة عن علاقته بالفنان الراحل مصطفى درويش، خاصة أنه رحل قبل أن ينتهي من تصوير جميع مشاهده في فيلم شماريخ.

قال عمرو سلامة، في تصريحات تلفزيونية، أن مصطفى درويش كتب له تعليقا على أحد منشوراته على فيسبوك قبل رحيله بساعتين، لذلك حين علم بنبأ الوفاة لم يستوعب الأمر في البداية، قائلا: "الموضوع كان مربك جدا".

واستكمل المخرج عمرو سلامة حديثه، وقال: "أول مرة نتعرف على بعض كان في فيلم شماريخ، وهو جه الفيلم بترشيح من آسر ياسين.. لما دخلنا التصوير كان عاجبني أوي كيميا آسر مع مصطفى، ولما توفى قعدت حوالي أسبوعين على ما سمحت لنفسي أفكر هعمل ايه في الفيلم لأنه مات قبل ما يخلص تصوير دوره".

وأضاف: "عشان أحل مشكلة غيابه في الفيلم غيرت في مشاهد ككتابة، وكان في مشاهد متصورتش وعاملة أزمة كبير في الفيلم فحليناها بحيل مونتاجية.. عشان أحل المشكلة بسهولة كان ممكن أحذف بعض مشاهده، بس أنا مرضتش أشيل أي لقطة ليه، عشان يفضل أكتر وقت على الشاشة تكريماً ليه".

وتابع عمرو سلامة: "وفاته كانت مرعبة تهزك جامد جدا، خاصة إن مصطفى صغير في السن، قدي أنا وآسر تقريبا.. وكمية المفاجات اللي عرفناها بعد وفاته كانت رهيبة مفيش حد اتفاجئنا بكمية الخير اللي عمله قد مصطفى.. كان محافظ على الجانب ده ومبيتكلمش عليه".