عمرو سلامة يدافع عن بيومي فؤاد: كلمة رمتها وأنت غضبان ممكن تخلي حد ينام مجروح

علق المخرج عمرو سلامة على الهجوم ضد الفنان بيومي فؤاد، بعد تصريحاته الأخيرة حول اعتذار الفنان محمد سلام عن المشاركة في مسرحية زواج اصطناعي.

كتب المخرج عمرو سلامة عن أزمة بيومي فؤاد ومحمد سلام، في منشور عبر حسابه الرسمي بموقع فيس بوك: «مهما غلط أي إنسان، ومهما اختلفت شخصيًا معاه أو انتقدت مواقفه، غصب عني باتعاطف معاه بشدة لو حصل عليه هجوم جماعي».

عمرو سلامة يدافع عن بيومي فؤاد

واستكمل: «الناس اللي بتهاجم أحيانًا مش بتحس بحجم تأثير كلامها لأنهم مش بيشوفوه بشكل مباشر، وأنا متأكد لو شافوا بعيونهم حجم الحزن والقهر والألم اللي بيعدي بيه أي شخصية عامة وهو محطوط على الجريل».

وتابع المخرج عمرو سلامة: «هيفكروا مرتين في هجومهم أو حتى في نوع الهجوم أو نبرته.. أنا من واقع حياتي شوفت اللي بيعيط واللي بيخش في نوبات اكتئاب ونوبات فزع وشوفت حتى اللي حاول ينتحر».

عمرو سلامة

تصريحات المخرج عمرو سلامة

وأضاف في تعليقه بشأن الهجوم على الفنان بيومي فؤاد: «ساعات ده بيكون سبب إنه مجرد قال رأي مش موفق، أو تحمس لموقف متسرع، أو اتفهم غلط، أو خد موقف مش حاسب تبعاته، أو قال رأي مش واخد ختم النسر من دول أو من دول.. أنا شخصيًا عشت ده كذا مرة، ساعات لآراء بعد سنة راجعتها».

وكتب المخرج عمرو سلامة أيضًا: «وساعات لتهريج اتفهم إنه جد، وساعات لاندفاع عاطفي برأي لو كنت قولته على القهوة كان اتنسى بعدها بربع ساعة، في الأول كان حجم الألم قاسي، ودلوقتي لسة برضه بيكون قاسي بس اتعلمت شوية سبل للتعامل معاه».

واسكمل المخرج عن أزمة بيومي فؤاد ومحمد سلام قائلًا: «طبعًا الناس من حقها تقول رأيها في أي شيء وكل شيء، وآه من قبل العمل العام تبرع بنصف عرضه.. بس قليل من العقل والرحمة والتعاطف مش هيضروا حد».

واختتم المخرج عمرو سلامة: «كلمة كتبتها ورمتها كده وأنت غضبان ممكن تخلي حد ينام مجروح أو يخاف على أهل بيته أو يفكر ينتحر، وأكيد لو إنت إنسان متحبش تكون سبب في ده.. وأخيرًا إحنا في وقت عيب تكون الخناقة على أي حاجة غير الخناقة الأكبر.. والله أعلم».

عمرو سلامة يدافع عن بيومي فؤاد

محمد سلام وبيومي فؤاد