عمرو عبد العزيز يتعرض لأزمة صحية: أصعب 48 ساعة في عناية القلب

أعلن الفنان عمرو عبد العزيز تعرضه لأزمة صحية، اضطر بسببها لدخول المستشفى وتم نقله إلى عناية القلب.

نشر الفنان عمرو عبد العزيز صورة له بالمستشفى، عبر حسابه الرسمي بموقع فيس بوك، ليعلن خروجه من المستشفى بعد أزمته الصحية.

عمرو عبد العزيز في المستشفى

وعلق على صورته: «بجد أصعب 48 ساعة عدوا عليّ في عناية القلب بس الحمد لله عدت على خير وخرجت وبقيت كويس وعايز أشكر دكتور أحمد مجدي بجد تعب معايا جدًا».

وتابع عمرو عبد العزيز: «والدكتور طارق علوان والدكتور محمد فريد عيسى ده لوحده هفضل أشكره طول عمري وفعلا مفيش أي حاجه تستاهل واللهم لك الحمد على نعمه الصحة».

الفنان عمرو عبد العزيز

عمرو عبد العزيز يهاجم فنانة

وفي وقت سابق، هاجم الفنان عمرو عبد العزيز إحدى الفنانات، ووجه رسالة قاسية عبر حسابه الرسمي بموقع فيس بوك.

كتب عمرو عبد العزيز في منشور عبر حسابه الرسمي بموقع فيس بوك: «نصيحة أخوية يا حبيبتي.. يا حبيبة قلبي والله العظيم شغلك هو اللي بيتكلم عنك مش فستانك المفتوح».

وتابع: «للأسف انتي فاكره إنك كده جامدة والناس كلها هتعرفك وهتبقي مشهورة.. خالص والله العظيم هما لو اتكلموا هيتكلموا عن فستانك الأوفر مش عليكي.. والدليل إن أكبر نجمات مصر زي منى زكي وياسمين عبد العزيز وهبة مجدي وغيرهم كتير بيروحوا بفساتين سواريه حلوة وشيك ومقفوله عادي جدًا».

واستكمل عمرو عبد العزيز رسالته القاسية لإحدى الفنانات: «بس انتي بعدما تقفي ع الريد كاربت وتتصورى بكذا شكل ومن كل الزوايا عشان تستعرضي الفستان الأوفر ويصوروكي عشان يتكلموا بعد كده مش بيقولوا مين الفنانه دي.. لا.. بيقولوا مين الرخيصه دي».

واختتم: «نصيحه أخوية.. أما تروحي مهرجان وانتي مش معروفه أصلًا ولسة بتبتدي مشوارك لو اهتميتي بشغلك ربع ما بتهتمي بفستانك الأوفر.. صدقينى هتوصلي وهيتكلموا عنك بشياكة ها شياكة».

عمرو عبد العزيز الفنان