عمرو محمد علي يكشف أسرار جديدة عن مرضه: راضي باللي ربنا كاتبه وأشرف زكي عملي معاش شهري

تحدث الفنان عمرو محمد علي عن إصابته بمرض التصلب المتعدد، وماذا فعل له الفنان أشرف زكي نقيب المهن التمثيلية، كما تحدث عمرو محمد علي عن علاجه.

تصريحات عمرو محمد علي

وكشف عمرو محمد علي في برنامج حكاية مصرية الذي تقدمه الفنانة هالة فاخر عبر قناة صدى البلد، العديد من الأسرار الذي كشفها بطل مسلسل أرابيسك لأول مرة.

عمرو محمد علي يشكر أشرف زكي

محدش عرف بمرضي بالتصلب المتعدد، غير لما الفنان أشرف زكي صديقي الصدوق بعتلي وفد من نقابة المهن التمثيلية يسألوا عليا، وكان منهم الفنان أحمد سلامة ومصطفى حجي

  • الفنان أشرف زكي عمل معايا حاجات حلوة جدًا، ومستنيه يجي يشرفني ويتغدى معايا زي ما قال، وعملي معاش شهري
  • بقيت عضو عامل في النقابة وفي معاش شهري، وعشان كده بحب أشرف زكي
  • أشرف زكي يعتبر صديق وانسان جميل جدًا ومليان حاجات كويسة

سبب مرض عمرو علي

  • المرض ده من عند الله، واسمه التصلب المتعدد وأنا راضي باللي ربنا كاتبه، وأنا صابر على اللي ربنا كاتبه عليا سواء بالشفاء أو إني هكمل بيه
  • هذا المرض مكلف جدًا وعلاجه موجود في امريكا وكندا، لأن هذا المرض بيعمل هجمات وبيخليني معرفش أحرك إيدي ورجلي

رحلة علاج عمرو محمد علي

  • هذا المرض مكلف جدًا، لكن باخد حاجات تهديني شوية لكن زي ما قولت علاجه في الدول الأوروبية
  • إذا شاء ربنا ويبقى معايا امكانيات مادية واسافر أعمل الحاجات دي
  • لازم ارضى باللي ربنا كاتبه عليا
  • في بعض الهجمات هي اللي بتضايقني زي رعشة رجلي، ورجلي وإيدي تقال
  • باكل سندوتاش عشان أعرف اتحكم في الأكل

تصريحات عمرو محمد علي في برنامج حكاية مصرية

  • اخويا أحمد هو القريب مني جدًا، وفي ليا اخويا إيهاب وأخواتي البنات وأمي ست الحبايب، كلهم اللي بيدعموني
  • أمي هي اللي متكفلة بيا ومفيش حاجة اقولهالها إلا وعملتهالي وربنا يطول في عمرها
  • استاذة هالة ربنا يبارك في عمرك وصحتك وأنا بحبك في الله، وربنا سبحانه وتعالى قادر على كل شيء
  • مصاريف علاجي بكملها عن طريق اخواتي بجانب المعاش

بعد استغاثته.. قرار بعلاج عمرو محمد علي على نفقة الدولة