عمرو مصطفى : «عمري ما حسيت بالفشل وفنانين في ورطة بسببي..ومستعد أساعد أي ملحنة شابة عايزة تبدأ»

عمرو مصطفى كشف كواليس وحكايات عن مشواره الفني، بعد أزمة سرقة لحن أغنيته «رقصة» والتي جمعته مع الفنان رامي صبري.

تصريحات عمرو مصطفى

قال عمرو مصطفى في تصريحات تلفزيونية له، إن نجم مصر الأول هو محمد منير ويحضر له حفلات لأنه مختلف، بجانب أن أغنية لمستك هي التي صنعت اسمه، لافتًا إلى أنه لا يندم أبدًا على تصريحاته وكلامه.

تابع عمرو مصطفى: «مش هعمل حاجة لحد ومش هدي ألحان لحد، ولكن الموضوع متعلق بمزاجي، ولازم الناس تدور وتعرف عمرو مصطفى له تاريخ».

واستكمل عمرو مصطفى كلامه: «اللي بيقول على ألحاني زي بعض محتاج يزور دكتور نفسي، وأقرب أعمالي لقلبي هي أغنية يا دايرة لأنها بتلخص سنة 2022».

عمرو مصطفى

أزمة عمرو مصطفى

قال الملحن والفنان أيضًا: «مفيش أغنية أو لحن تمنيت يكون ليا، ومن ساعة ما نزلت أغنية إلا أنا مبقاش فيه خلافات ولا حد جه ناحيتي لأنهم سمعوا الموسيقى وعرفوا قد إيه هما في ورطة كبيرة، ومنزلوش أغاني من ساعتها».

استطرد عمرو مصطفى: «لما تنزل أغنية على اليوتيوب وتعدي الـ 50 مليون مشاهدة شوفوا التعليقات والإعجابات، الإعجابات ممكن حد يشتريها لكن التعليقات لأ».

وأضاف حديثه عن نجاحه: «ومن هنا بنعرف المضروب من الأصلي، وفي ناس سابت اليوتيوب علشان خافت، وأنا مستعد أساعد أي ملحنة شابة عايزة تبدأ».

أغاني عمرو مصطفى

استكمل الفنان عمرو مصطفى كلامه: «مفيش حاجة اسمها الرجال أفضل من السيدات، السيدات متفوقات على الرجال في حاجات كتير، ومراتي لازم يتعمل لها تمثال، لأن مفيش حد هيستحمل تقلباتي المزاجية غير سيدة عظيمة زيها».

وعن مطربين المهرجانات، علق قائلًا: «خسارة أتكلم عنهم وهنشوف هيستمروا قد إيه، وعمري ما حسيت بالفشل، لأن طول عمري عندي وسواس ومتردد قبل ما أنزل الحاجة، والحمد لله ربنا بيوفقني».

قال عمرو مصطفى في كلامه أيضًا: «بحترم نفسي ولما بلاقي في نجاحات كتير أنا مش هقدر أواكبها بقعد في البيت، وأنا مش مغرور ولكن عندي ثقة بالنفس،ولو حياتي أغنية هتكون يا دايرة».

عمرو مصطفى

عمرو مصطفى

أضاف الملحن عمرو مصطفى: «لو رجع بيا الزمن وبقى عندي 20 سنة مكنتش هلحن لحد وهكمل في الغناء، ولم أندم على التعبير عن آرائي السياسية في 2011 لأن بلدي رجعت، وأنا عايز المطربين يغنوا أغنية لمستك ويسمعوني صوتهم فيها».

وفيما يخص ألبومه الجديد، قال: «ألبومي الجديد مش بوجه لحد رسائل من خلاله، وأغنية يا دايرة بتعبر عن حالتي من سنتين، وعندي 1780 أغنية قديمة ومنزلتش منهم غير أغنيتين».

رامي صبري يرد على اتهام عمرو مصطفى بسرقة لحن «رقصة»: متهزرش معايا

عمرو مصطفى يكشف حقيقة اتهامه لرامي صبري بسرقة لحن «رقصة»