عمرو وهبة: اشتغلت في عصارة قصب قبل التمثيل

كشف الفنان الشاب عمرو وهبة، عن مهن عمل بها قبل دخوله التمثيل، مؤكدا أنه ولد في فرنسا، وكان يعمل والده هناك لسنوات طويلة، ولكن عقب ولادته بشهر واحد قرر والده العودة إلى القاهرة.

وتابع وهبة، في تصريحات تليفزيونية، أنه حصل على المركز الرابع في الثانوية العامة على مستوى إدارة محافظة بورسعيد، متابعاً: معدل المذاكرة قل في الجامعة عن الثانوية وكمان حضوري كان ضعيف جداً.

عمرو وهبة: وقفت في عصارة قصب

وأوضح، أن والده مقتدر ودخله معقول ولكن طموحاته أعلى شوية، معقبا: بدأت شغل وأنا في تالتة إعدادي بمحل لعب أطفال اشتغلت في مصانع، وقفت في عصارة قصب، وبعت كروت شحن وبلف بالعجله عشان أبيعها فى الشوارع.. وكنت بجيب لبسى لنفسى.. وبخلى والدى ووالدتى ميشلوش همى، وطول فترة الجامعة بشتغل فى الصيدلية.. والصيدلية كانت لذيذة وكل الناس كانوا يقولوا يا دكتور.

عمرو وهبة: الناس كانت مفكرة زوجتي اخوتي

وأضاف عمرو وهبة: تزوجت فى عام 2010، واتفقت انا وزوجتى نعمل فرح.. وفكرنا يا نعمل فرح يا نسافر بالفلوس وقولت ليها نتصور صورتين ونسافر.. الصور بتاعة الزواج حاططها تحت الأرض برقم سرى ومفيش حد هيشوفها خالص لان المصور عمل فيها حاجات أخر تهزيق.. ومتزوجين من 13 سنة.. الناس كانت مفكرانى ان احنا اخوات مش متزوجين عشان كان شكلنا صغير جدا لدرجة أن البواب كان بيقولى اختك طلعت من شوية.

عمرو وهبة

عمرو وهبة يسخر من عودة فيريرا للزمالك

عمرو وهبة يكشف عن شخصيته في جروب الدفعة

عمرو وهبة: أنا الشيطان بيخليني استنصح مش أوفر