عمرو وهبة يتعرض لوعكة صحية ويدخل المستشفى.. صور

كشف الفنان عمرو وهبة، عن تعرضه لأزمة ووعكة صحية نقل على إثرها لاحدى المستشفيات، واجراء بعض الأشعة والتحاليل الطبية.

عمرو وهبة وأزمته الصحية

ونشر وهبة، صورا له من داخل لمستشفى عبر حسابه الشخصي على موقع التواصل الاجتماعي إنستجرام، وعلق قائلا:

الواحد من زمان مقضاش أجازة في مستشفى حلوة كدة.

الفنان عمرو وهبة، تحدث عن الذكاء الاصطناعي، مؤكدا أنه موضوع مرعب بجد، كما كشف عن موقف تعرض له، حيث كتب عبر حسابه الشخصي على موقع التواصل الاجتماعي إنستجرام، وعلق قائلا: موضوع الذكاء الاصطناعي ده مرعب بجد.. قولتله عايز صوره للقمر فهم وطلعلى دي.

معلومات عن عمرو وهبة

قال عمرو وهبة، في تصريحات تليفزيونية سابقة، انه ولد في فرنسا، وعقب ولادته بشهر عادت أسرته لمصر، وبعد سنوات بدأ تعليمه في الأزهر، وفي الثانوية العامة حصد المركز الرابع أدبي على مستوى محافظة بورسعيد، ليحصل في النهاية على ليسانس لغات وترجمة قسم ترجمة فورية.

زوجة عمرو وهبة

وتابع، انه تزوج عام 2010: «اتفقنا انا ومراتي هنعمل فرح وروحنا دفعنا عربون الحجز في مكان ما، الفلوس اللي معانا يا نعمل فرح يا نسافر شهل العسل، فبعد ما دفعنا العربون قعدت اتكلم معاها، بس هي كان عندها الأحلام بتاعت

البنات دي الفستان ونتصور والكلام ده.. قولتلها لو عايزة الصورتين هوديكي اقرب ستوديو ونتصور والفلوس دي نسافر بيها، يعني نسافر بيها احنا أسبوع ولا الناس تيجي تاكل بيها في ساعتين، ومبيعجبهمش الأكل برضو، فوافقت وسافرنا».

وأضاف: «كنا صغيرين وشكلنا صغير جدًا، والعمارة اللي كنا عايشين فيها كانوا فاكرينا اخوات، البواب كان فاكر كده، حتي الصنايعية الاقيه يقولي والنبي قول لاختك تعملنا كوباية شاي، فخلاص مش هقعد اشرح لكل واحد، وبعدين فعلا شكلنا كان صغير جدا».