عمرو يوسف: أصيبت بالتوتر أمام نور الشريف وكندة علوش ممكن تنفعل بسرعة

كشف الفنان عمرو يوسف كواليس أول مشهد جمعه بالفنان الراحل نور الشريف في مسلسل الدالي، مؤكدًا على توتره أمام الراحل.

قال عمرو يوسف عبر تصريحات إعلامية إن الوقوف أمام نور الشريف كان له رهبة كبيرة، وهو ما جعله يشعر بالتوتر ويطلب الدخول لدورة المياه.

عمرو يوسف ونور الشريف

واستكمل: «الوقفة قدام أستاذ نور لها رهبة أنا مكنتش متخيلها أول ما توترت قلتله هروح الحمام طبعًا هو فهم، وقفت في الحمام وشجعت نفسي وغسلت وشي، وطلعت عملت المشهد وعدت».

وتحدث عمرو يوسف عن زوجته كندة علوش، قائلًا: «أم ممتازة ماحلمش بأم لأولادي زيها، واللي في قلبها على لسانها وممكن تنفعل بسرعة ولكن من ساعة ما اتجوزنا وأنا هديت الحكاية دي».

وقال عن أمينة خليل: «ممثلة جريئة وقدرت تعمل دور مختلف عنها في فيلم شقو وصديقة عزيزة عليا ونجحنا سوا في مسلسل جراند أوتيل ومحمد ممدوح بيحب شغله جدًا وبيفضل خايف من أول مشهد لآخر مشهد لكن هو من الممثلين العظماء واللي بستمتع بالشغل معاه وهو صاحب جدع جدًا».

عمرو يوسف مسلسل الكتيبة 101

تصريحات عمرو يوسف

واستكمل عمرو يوسف حديثه قائلًا: «دينا الشربيني كريمة وموهوبة وممثلة قوية جدًا وعندها قبول من عند ربنا غير طبيعي ويسرا ست الستات على المستوى الفني هي سوبر ستار ومحدش يقدر يتكلم عنها وعلى المستوى الإنساني هي أجدع الناس ومهتمة جدًا وبتحب صحابها وبتحب تساعد جدًا».

واختتم عن أغاني المهرجانات: «بحب أغاني المهرجانات هي كانت حلوة الأول ولكن دلوقتي بقوا يكرروا، نفسي يحصل تطور ليها لأن كنت بحبها جدًا أول ما طلعت».

عمرو يوسف وكندة علوش

عمرو يوسف