عمر شريف يوجه رسالة لـ طه دسوقي بعد تنازله عن الجائزة له: شكرا إنك فرحتني

ياسمين حمادة 31 مايو 2023 | 11:18 مساءً

علق الطفل عمر شريف على إهداء الفنان طه دسوقي جائزته له خلال حفل جوائز مسلسلات رمضان، وهي جائزة أفضل نجم صاعد.

الطفل عمر شريف وطه دسوقي

نشر عمر شريف طفل مسلسل تحت الوصاية صوره مع الفنان طه دسوقي عبر صفحته الرسمية بموقع فيس بوك، وعلق عليها قائلًا: «امبارح كنت مدعو لاحتفال توزيع جوائز رمضان في مهرجان creative summit، وتم إعلان عن جوائز أحسن ممثل صاعد».

وتابع: «فاز بها الفنان طه دسوقي اللي أنا بجد بحبه أوي، واتفاجئت لما طه طلع على المسرح عشان يستلم جائزة الفنان أحمد أمين، وبيقول اسمحولي أهدي جائزة أحسن ممثل صاعد لعمر شريف».

الطفل عمر شريف وطه دسوقي

عمر شريف مع طه دسوقي

واستكمل قائلًا: «ده اللي أنا كاتب البوست عشانه.. أنا مش عارف أوصف اللي حسيت بيه في اللحظة دي بأي كلام بجد دي لحظة عمري ماهنساها في حياتي .. كنت بجد مبسوط أوي أوي.. عمري ماحسيت إني مبسوط في حياتي زي اللحظة دي».

وحرص أن يوجه الشكر للفنان طه دسوقي، قائلًا: «شكرًا إنك فرحتني الفرحه دي، ودي حاجة أنا مش هنسهالك العمر كله أنا بحبك أوي .. شكرًا أستاذ شاكر على اللي حضرتك وصلتني له كل ده بفضل مجهودك ونصايحك وثقتك فيّ».

واختتم قائلًا: «شكرًا أستاذه منى على كل حاجة و على النجاح اللي حققته عشان مثلت مع ممثلة عظيمة زيك، شكرًا أستاذ عمرو سلامة على كل حاجة عملتها وهفضل أشكرك في كل مرة هحس فيها بفرحة ونجاح لأنك دايمًا هتكون سبب كبير فيها وأنا حبي ليك كبير أوي».

طه دسوقي والطفل عمر شريف