وقال عمر كمال، خلال لقائه مع الإعلامية نهال طايل في برنامج «تفاصيل»، المذاع على قناة «صدى البلد 2»، إنه اعتاد مواجهة أزماته والتفكير في قراراته بمفرده دون اللجوء إلى الآخرين.
وأضاف: «كل مشروعات الزواج ما اكتملتش أبدا، وحسيت إن دعوتي لربنا بتتحقق، وخد مني الخلفة والجواز واداني الشهرة والفلوس زي ما كنت عايز».
وتحدث عن مواصفات شريكة أحلامه: «تكون حنينة، وتكون محترمة وتصوني وتفتح بيت، وتكون جميلة في عيني، والجمال ده حاجة نسبية».
وأوضح: «لما بفضفض بكون مع نفسي، كل يوم بروح بيتي وأقعد مع نفسي، وفيه حاجات كتير إحباط وخذلان، وفيه حاجات مينفعش أحكيها لحد، أصحابي مش معايا وبعيد عني، واللي معايا دلوقتي علاقتنا شغل أكتر».
وتابع: «أنا اتعودت ما أشاركش حد معايا في حاجة، كتوم جدًا، أي حاجة بتوجعني وبتأذيني مش بحكي فيها مع حد، بقعد مع نفسي وأفكر وآخد قراراتي».







