عمر كمال رداً على السخرية من صوره القديمة:«مش مهم كنت ايه المهم بقيت ايه»

نشر المطرب الشعبي عمر كمال صورتين له قبل وبعد الشهرة، عبر حسابه الشخصي علي موقع تبادل الصور والفيديوهات 'انستجرام'.

وعلق 'كمال' على الصورة قائلاً، 'كل ما أحط بوست وممكن الناس تشوف بعنيها عشان محدش يقول ده بيحور و بيعمل بوست وتريند ألاقى ناس كتيرة حطالى صورتى اللى ع اليمين ف الكومنتات من باب السخرية .. حتى الصورة اللى منزلها لوالدتى وبعبر عن حبى ليها عشان عيد ميلادها منزلين الصورة من باب السخرية .. فا عايز ارد عليهم وأقولهم والله الحمد لله على شكلى ف جميع مراحل حياتى'.

وأضاف، 'ديه حاجة انا مش بتكسف منها و ادينى نزلت الصورة اهو للناس ف بوست عشان تشوفها ومش مكسوف .. والصورة اللى ع اليمين ديه لانسان كان معندهوش رفاهية انه يروح للدكتور يتابع معاه رچيم او يروح للچيم او حتى عنده وقت يفكر ف شكله .. انسان كان كل همه يشوف السرير بعد يومه الطويل عشان يصحى ليوم تانى أصعب .. مش مهم كنت أيه المهم بقيت أيه '.

وتابع حديثه، 'اشتغلت على نفسى وبكرم وفضل ربنا اشتغلت الحاجة اللى بحبها .. وركبت العربية اللى بحلم بيها .. وكونت نفسى .. وعملت وضع واسم لنفسى .. وربنا جعلنى سبب ف انى شايل مسئولية ناس وفاتح بيوت ناس كتير من غير جنيه من بابى ومامى ولا مساعدة حد غير ربنا ثم دراعى .. أشك لو انت انسان عندك حاجة مفيدة ف حياتك تعملها او عندك هدف ف حياتك ان يبقى عندك وقت تدور على صور حد وتسخر منه .. صدقنى الحياة مفيهاش وقت تضيعه ف الكلام ده شوف حاجة أفيد واعمله'.

عمر كمال يظهر مع حميد الشاعري في عيد ميلاده: «جيل اتعلمت منه»

عمر كمال يعلن عن انتمائه للزمالك: «دون تعصب.. معانا يارب»