عمر كمال يحدد موعد طرح أول 4 أغنيات من ألبومه الجديد

أعلن المطرب عمر كمال عن موعد طرح أول أربع أغنيات من ألبومه الجديد، والمقرر صدورها في 5 نوفمبر، وهي: «اتغيرتي»، «ومشيتي»، «في كل الأماكن»، «سيبنا بعض ليه»، و«قرار غلط».

وكتب عمر كمال عبر حسابه الرسمي على موقع إنستجرام: «معادنا 5 نوفمبر أول 4 أغاني من الألبوم الجديد».

من جانب آخر، علق عمر كمال على الانتقادات التي طالت كشفه عن صناع الألبوم، مستنكرًا وصف الجمهور للتعاون مع عدد من الفنانين بالشريحة في تاريخهم، ومن بينهم رامي جمال، والشاعر تامر حسين، والملحن عزيز الشافعي، ومدين.

وقال كمال في تصريحات تليفزيونية: «كنت محظوظ أني تعاونت مع ناس لها اسمها ونجاحها الكبير، زي تامر حسين وعزيز الشافعي ومدين ومصطفى العسال وتوما ورامي جمال. الحمد لله ربنا كرمني وحققت حلمي أني اشتغلت معاهم».

وتابع: «لما نزلت صوري مع صناع ألبومي الجديد زي رامي جمال وعزيز الشافعي ونادر حمدي، الناس قالت سقطة في تاريخهم، ليه مش أنا بني آدم ومن حقي أجرب؟ دي ناس سوية وشبعانة شهرة ونجاح وفلوس، مفيش أي حاجة تجبرهم يشتغلوا معايا إلا لو شايفين فيا حاجة كويسة. وفي نجوم كنت بطمح أعمل معاهم دويتوهات وشبه الاتفاق حصل وبعد كده رفضوا، أنا مبسوط وده إداني تحدي أكبر وهثبت لهم أنهم على غلط وأني استحق، أنا لازم أجرب، اللي مالوش قلب مالوش رزق».