عمر كمال يدافع عن كوكسال بابا: «الناس ظالمة الراجل العسل ده.. عقله طفل وبيخاف من الزحمة»

دافع الفنان الشعبي عمر كمال، عن البلوجر التركي كوكسال بابا معتبرًا أنه شخص جيد؛ والناس ظالماه.

وقال كمال، عبر صفحته الرسمية للتواصل الاجتماعي (فيسبوك): «الناس ظالمة الراجل العسل ده.. ده راجل ربنا اصطفاه انه يعيش عنده مرض نادر واللى زيه بيموتوا عند سن معين بس هو ربنا اختاره يعيش.. ومر بظروف سيئة من فقر وموت أب و أم.. وكمان عقله وقف نموه وفهمه عن سن معين .. فا راجل بعقل طفل».

وأضاف: «صورت معاه ٧ أيام فى تركيا ولاحظت انه بيخاف جدا من الزحمة.. ومبيحبش اطلاقا التصوير ولا الكاميرا الا لو واخد عليك ويعرفك ومش بيفهم لا عربى ولا أنجليزى ولا أو لغة غير تركى بس وده بيخليه متنرفز عشان مش فاهم اللى قدامه بيقوله ايه».

وتابع عمر كمال، أن كوكسال بابا لا تضمن رد فعله «عشان هو ف تفكير الطفل الصغير.. متضمنش رد فعله لانه مش واعى وطبيعى للى بيعمله.. هو مشهور بالنرفزة وطريقة كلامه والمشية بتاعته ورد فعله العصبى.. فا محدش ياخد على رد فعله ويحاسبه عليه.. كأنك بتتعامل مع طفل صغير أكيد مش هتزعل منه».

مهرجان البنات لـ عمر كمال وكوكسال بابا يحقق 800 ألف مشاهدة في 12 ساعة

الموسيقيين: «عمر كمال حذف الجزء المسيء لهاني شاكر بالفيديو .. ويحاول تضليل الرأي العام