عمولة 30 دولار في طن القمح.. أحمد موسى يعلق على اتهامات المثارة حول جهاز مستقبل مصر| فيديو

أكد الإعلامي أحمد موسى، أن حجم استهلاك المصريين من القمح سنويًا يصل إلى 21 مليون طن، مردفًا: «مينفعش الشعب يصحى الصبح ومش يلاقي الخبز والعيش، أتذكر في 2008 أو 2009 حصلت أزمة في القمح، مين اللي تدخل وحل الأزمة؟ أيوه، القوات المسلحة هي اللي تدخلت وحلت الأزمة».

وأضاف أحمد موسى، خلال تقديم برنامج «على مسئوليتي»، عبر قناة «صدى البلد»، قائلًا: «الرئيس السيسي كان لديه أولوية، وهي زراعة القمح وإنشاء الصوامع للحفاظ على القمح من الهدر».

وتابع: «مصر كانت تصرف المليارات على الاستيراد، ولكن مع خطة الرئيس السيسي في إنشاء الصوامع، بالإضافة إلى استصلاح أراضي مثل أرض توشكى ومشروع مستقبل مصر، بقى عندنا جهاز محترم جدًا، وهو جهاز مستقبل مصر للتنمية المستدامة، وده جهاز وطني عظيم».

واستعرض أحمد موسى لقطات فيديو مختلفة لإنجازات مشروع مستقبل مصر في استصلاح الأراضي والصوامع، موضحًا أن هذا الجهاز نجح في إحداث طفرة كبيرة جدًا، حيث تم استصلاح 2 مليون فدان في الصحراء من قبل مستقبل مصر.

وأكمل: «ثلاثي الأمن الغذائي في مصر هم وزارة الزراعة والتموين وجهاز مستقبل مصر، كمان في بعض الأشخاص "بيهبد"، ومش بيحصل على معلومة كاملة، الصحفي المفروض دوره إيه؟ إنه يسأل ويوصل للمعلومة، في ناس بتلاقي بعض الحاجات المنشورة من دون التحري عن المعلومة، في أحد النواب عامل طلب إحاطة، حلو، طيب أنا لازم أقولك لازم تفحص الموضوع كامل ولازم تاخد الأوراق كاملة وعدم الاكتفاء بورقة، طيب إنت ما قلتش ليه ثمن الطن من القمح 240 دولار، ليه ما قلتش إنه من المنشأ، وليه ما قلتش إن الدفع نقدًا، والكلام ده على مدار 270 يوم مستمر، النقل والشحن والسفن ما قلتش بيصرفوا كام».

وأكمل: «الجهاز ده بياخد عمولة؟ لما حد يقولك الجهاز بياخد عمولة، ولما تقول بياخد 30 دولار عمولة، ده اتهام، هل الحكومة هتسمسر؟ هل الحكومة تاخد من بعضها عمولات؟ أنا بقولك بتوصل الزيادة لـ35 و40 دولار، ليه؟ لأن إنت بتعمل صفقات على 270 يوم، وده بيديك ميزة إنك تشتري في الوقت اللي إنت عاوزه».

وأردف أحمد موسى: «البورصة سعرها مش ثابت، 240 دولار ممكن يبقى أكتر أو أقل، طيب اللي بيكلمك عن عمولة، ليه الجهاز بيعمل توسعات في زراعة القمح وهو بياخد عمولة حسب الاتهامات والأكاذيب والاتهامات الفارغة؟ طيب ما تخليه يبقى كسبان من العمولة، الناس دي بتشتغل على مدار الساعة علشان توفر احتياجات المواطنين من الخبز».