عنبر: مليش دخل بطلاق ياسمين عبد العزيز.. والدنيا وحشة من غير والدتي

دينا دهب 11 ابريل 2023 | 11:20 صباحاً

كشفت الفنانة عنبر الكثير من الأسرار عنها لأول مرة، وحرص على الحديث عن شائعة تسببها في انفصال ياسمين عبد العزيز عن زوجها الأول، وفيما يلي يرصد موقع قناة صدى البلد تصريحات عنبر التلفزيونية.

عنبر تتحدث عن والدتها

والدتي كانت شديدة وحازمة وصرامة في قراراتها، ووالدي كان يتميز بالطيبة والحنية وكان بيدعلني جدًا وكان بيخاصم أمي لو ضربتني فكنت مدللة عنده

والدتي عانت لمدة 20 عاما من مرض خطير جدا يمسى الذئبة الحمراء، وتسبب لها في الربو وحساسية في الصدر ومشاكل بالقلب، والدنيا وحشة من غيرها وحشتيني

أمي كانت البسمة في حياتي والدنيا مهلهلة بعد وفاتها، ورحيها كان صدمة وأصابني بحالة من الاكتئاب الشديد، لأن أمي كل حاجة في حياتي وأغلى حاجة فيها

عنبر

ذكريات عنبر

كنت بشتغل في محل ملابس وأنا عندي 18 عامًا وكنت طالبة بالثانوية العامة وقتها عشان اعتمد على نفسي

تخرجت من كلية الحقوق بتقدير جيد جدًا، وكنت أود تحضير دراسات عليا في المواد الجنائية

في طفولتي كنت مدللة لأني وحيدة والدتي ووالدي وكنت متميزة بالهدوء

المخرج الكبير الراحل سمير سيف، صاحب فضل عليا ووقف جمبي من أول مشهد صورته في فيلم معالي الوزير بطولة النجم الكبير أحمد زكي ، والكاتب وحيد حامد، وأعتبر الأب الروحي لي، كان عايز يديني اسمه ويسميني عنبر سيف ولكنه تراجع وقالي أنا كده هضرك

عنبر

عنبر تتحدث عن صعوبات الفن

تعرضت لضغوط كثيرة ومساومات في بداية دخولي الوسط الفني لكني رفضت، لأني بحترم ربنا، وفي ناس قالتلي هخليكي نجمة في خلال سنة لكن كان ردي لو أنا موهوبة شغلني ولو مش موهوبة شكرًا متلزمنيش الشغلانة باللي فيها

مستغربة من جلوسي في البيت خمس سنين، في أعمال بتتعرض عليا لكن أدوار مش مناسبة مفروض وصلت لمكانة معينة مرجعش عنها

معنديش شلة علشان كدة قاعدة في البيت وهناك نجوم كبار قيمة وقامة قاعدين في البيت مش لاقيين شغل وباعوا مقتنيات، وعمري ما أطلب شغل لأن كرامتي عندي بالدنيا ولو مفيش جنيه في بيتي مش هقلل من نفسي