عن كثرة الزلازل.. ياسمين عز: لازم ننام على طاعة ربنا

إسماعيل هاني 24 فبراير 2023 | 10:22 مساءً

الإعلامية ياسمين عز، علقت على كثرة الزلازل في الفترة الأخيرة، بجانب حديثها عن أهمية إخراج الزكاة والصدقة وخاصة للعاملين بمهنة توصيل الطلبات للمنازل.

وقالت ياسمين عز، في تصريحات تليفزيونية: محدش يسبق الأحداث، واحنا لازم ننام على طاعة ربنا وأنت مش بتأذي حد ولا عامل حاجة وحشة وساعتها هتكون في حفاظ الخالق اللي أحسن من أي مخلوق مليون مرة، ولكل كتاب أجل.

ياسمين عز: الصدقة لها مفعول السحر

ياسمين عز تابعت: الصدقة لها مفعول السحر، واعتبروا مندوب الدليفري اللي بيجيلك في عز البرد، حد ربنا بعتهولك عشان تتصدق عليه، والصدقة بتقع في إيد ربنا، وكمان الحراس لازم نكرمهم لأننا بنام وهما بيسهروا عشان يأمنك، كلنا محتاجين بعض.

وأضافت: الله يعين الأطباء النفسيين على الزوجات اللي بيقولوا أن أزواجهم نرجسيين، انتي كنتي فاكرة النرجسي طبق حلويات، ومفيش راجل عنده بوز، لأن كلنا عارفين مين عنده بوز ولازم يداريه، متبقيش مفترية وحبي رجل جوزك.

ياسمين عز: الأجانب الخميس يتخطبوا والجمعة يتجوزوا

وأضافت: الأجانب الخميس يتخطبوا والجمعة يتجوزوا إنما أحنا الجواز عندنا كأس عالم، ويا فرعوني إياك تضعف وتخلي كلمة مراتك تمشي عليك ولازم تقدر والدتك وساعتها هتكون راجل بجد.