غادة إبراهيم : رضا الزوج من رضا الرب وبعمل خير كتير يمحي لي السيئات

كشفت الفنانة غادة إبراهيم الكثير من الأسرار في حياتها الشخصية وعلاقتها بزوجها، كما ردت على الانتقادات التي تتعرض لها بسبب ملابسها.

تصريحات غادة إبراهيم

قالت غادة إبراهيم في تصريحات تلفزيونية لها، إنها كانت حريصة على رضا زوجها السابق، معلقة: «رضا الزوج من رضا الرب، لما جوزي اتجوزني قال لي حبيبتي أنا وضعي حساس مفيش بوس لزمايلك ولا لبس أوفر، قلت له طبعًا يا حبيبي أنا يهمني أرضيك لأن رضا الزوج من رضا الرب».

وتابعت: «جم زمايلي يسلموا عليّ قلت لهم عندي برد وواحد تنمر عليّ، والكايرزما من عند ربنا، وأنا مثيرة للجدل من عند ربنا، لأن في ناس حطاني في دماغها وناس حباني والناس عاوزة تعرف غادة فين وبتعمل إيه لأني عندي مصداقية وصراحة مش فيك واللي في قلبي بقوله».

غادة إبراهيم

أسرار غادة إبراهيم

وقالت أيضًا: «20 سنة في الوسط محدش سمع عني والتنمر حصل في السنوات الأخيرة لأن نجمي طلع، وبقيت لذيذة وبطلع في المهرجانات وبعمل أعمال عربية داخل وخارج مصر وفي نفسنة، وفي حيزبونات ومنفسنين، وعندي أعداء من الوسط الفني والإعلامي ومن كل حتة».

وبرسالة غامضة أثارت غادة إبراهيم ضجة كبيرة، قائلة: «لما اتعزم في مهرجان وامشي على الريد كاربت بتاريخي الصغير، وواحدة نجمة سوبر ستار بقى لها 40 سنة في الفن، تدخل مش بتصرف نقطة بوتوكس فاكرة إن تاريخها هيشفع عليها، ولو عندي ربع الملايين اللي عند النجمة دي هكون أحلى من هيفاء».

غادة إبراهيم وعمليات التجميل

وكشفت حقيقة خضوعها لعمليات تجميل قائلة: «أكيد مش هسيب نفسي كده، وأنا ضد أغير في خلقتي، لكن بوتكس كل 6 شهور علشان شكلي يكون لذيذ لأن ده راس مالي».

وعلقت على تعرضها للانتقادات قائلة: «أنا لسه راجعة من العمرة من شهر ومن العمرة للعمرة يمحو الله ما بينها من ذنوب، وفي فرق بين الموبقات والكبائر وأنا لا أقرب الكبائر، وبحب ألبس لبس فاشون وبعمل خير كتير يمحي لي السيئات وبقرأ كتير في الدين».

واستكملت غادة إبراهيم قائلة: «وبصلي متواصل ومش بسيب فرض بقى لي أكتر من عشرين سنة، وفي الآخر الحاجات دي تعتبر من الموبقات مش الكبائر لأني مش بعمل سحر ولا قذف المحصنات ولا أكل مال اليتيم والربا وربنا يسامحني، ولكل مقام مقال ولما أدخل مكان مجمع بلبس محتشم، ومقدرش أقول الحجاب مش فرض، وربنا يهديني ويسامحني وممكن الفترة الجاية أقرب أكتر من ربنا».

غادة إبراهيم في العمرة

غادة إبراهيم ومشهد جريء

وعن مشهدها الجريء، قالت: «لو أقدر أشيل مشهدي من فيلم الإمبراطورة مع نادية الجندي كنت هشيله وهو المشهد الوحيد الإغراء اللي عملته في تاريخي، والمشهد ده ما كانش مكتوب كده على الورق، وبعدها عملت 15 فيلم مفيهمش ولا حاجة».

وأضافت: «هما في الأول كانوا عاوزين يحطوني في أدوار الإغراء وشبهوني بناهد شريف وكانوا عاوزيني آخد مسيرتها وأكون خليفة ليها ولكن رفضت أقدم إغراء تاني، وكان فيه خلافات بيني وبين جوزي ومتفقين على الانفصال والمشهد ده سرع بالانفصال، وبعد ما شافه قال لي مش كنت عاوزة تنفصلي هطلقك».

غادة إبراهيم وإطلالة أحمد سعد

علقت على إطلالة الفنان أحمد سعد المثيرة للجدل في حفل جدة، قائلة: «مبحبش الراجل اللي بيلبس زي أحمد سعد في حفل جدة، هو مش هينقص من رجولته، بس هيتفهم غلط أحمد راجل أوي وصعيدي، بس اتصدمت لما لقيته لابس كدة، ده لبس مش سوي، وممكن يشككوا في ميوله بسبب اللبس، وشوفت ناس مركبة جيبة على اللي هو لابسه».

غادة إبراهيم

غادة إبراهيم: بتمنى أوصل للعالمية وعايزة أعمل دور شجرة الدر

بصورة أمام الكعبة.. غادة إبراهيم تؤدي مناسك العمرة

غادة إبراهيم تغسل وتُكفن الأموات في مسلسل السجل الأسود

القصة الكاملة لخلاف غادة إبراهيم مع إلهام شاهين وبوسي شلبي «ربنا ينتقم منهم»

أول قرار ضد الفنانة غادة إبراهيم بعد خناقة إلهام شاهين