غادة عادل: بعد الانفصال كنت بشتغل علشان الفلوس.. وولادي تعبوا نفسيًا

كشفت الفنانة غادة عادل عن تفاصيل صريحة من فترة انفصالها عن المخرج مجدي الهواري، موضحة إن التجربة دي كانت نقطة صعبة جدًا في حياتها، أثرت عليها نفسيًا وعلى أولادها كمان.

وقالت غادة عادل في تصريحات تلفزيونية: "بعد ما انفصلت مكنتش متظبطة، وكانت اختياراتي غلط حتى في الشغل، وكنت بشتغل علشان الفلوس وأصرف على العيال مع مجدي الهواري، بس ده كان الجزء الخاص بيا، ولادي نفسيتهم مكنتش كويسة، لكن لما حاسبت نفسي وعالجت الأخطاء لاقيت ولادي اختلفوا من غير ما أعمل مجهود".

أما عن فكرة الحب والدخول في علاقة جديدة، فقالت غادة: "الحب موجود طول الوقت، وطول ما القلب بينبض هيدق، وطبعًا لو لاقيت إنسان يستحق أكيد هحبه، أي إنسان كويس وقلبه نضيف وطيب أكيد هحبه، أنا بحب الطيبين واللي عندهم رحمة وعطاء ومفيش مصالح".