غادة عبد الرازق: الأعمال بتتفصل حاليا على مقاس النجوم

كشفت الفنانة غادة عبد الرازق رأيها في الوسط الفني خلال الفترة الحالية، موضحة أن الساحة الفنية الحالية ليست بالقوة التي كانت عليها في الماضي.

قالت غادة عبد الرازق عبر تصريحات تلفزيونية، إن النصوص الدرامية والسينمائية أصبحت ضعيفة مما أثر بشكل كبير على السينما والدراما بمصر.

تصريحات غادة عبد الرازق

وتابعت: «المؤلفين دلوقتي بيستسهلوا وبيكتبوا أي حاجة أو بيستنوا أما النجم يوافق علشان يفصلوا له الأعمال على مقاسه، وده مكنش بيحصل زمان».

واستكملت غادة عبد الرازق قائلة: «المؤلف كان بيخلص السيناريو ويبعت للنجم يقرأه عجبه يعمله لو معجبوش يعتذر عنه، دلوقتي لا، إحنا هنمضي غادة عبد الرازق وبعدين يلا نجيب لها ورق ونكتب لها فكرة».

غادة عبد الرازق

أسرار غادة عبد الرازق

وأشارت إلى أنها في بداية مشوارها الفني، لم تحصل على التشجيع الكافي، معلقة: «في الأول عائلتي قالت لي مش هتنجحي ومش هتبقي نجمة هتشتغلي كومبارس، قلت لهم في يوم من الأيام هبقى نجمة ونجمة صف أول وهتشوفوا بإذن الله».

غادة عبد الرازق

غادة عبد الرازق