فتاة الحوامدية تروي تفاصيل معاناتها مع زوجها : اتهمني في شرفي .. فيديو

كشف برنامج 'تفاصيل' عودة الفتاة 'دنيا' فتاة الحوامدية لوالدتها، والتي تزوجت من دون عقد شرعي، وحرمها زوجها من والدتها 4 سنوات كاملة.

تصريحات فتاة الحوامدية

من جهتها، قالت فتاة الحوامدية خلال لقاء عبر قناة صدى البلد مع الإعلامية نهال طايل: زوجي بعد ما كشف البرنامج أزمتي قال لي هننزل نكتب الكتاب عند أهلك، وبعدها سافر بلده وقال لي بالقايمة اللي معاكي والورق ارفعي قضية وما لكيش أي حاجة، وخليكي عند أمك، ولو رجعت له هيمنعني أزور أمي.

وتابعت الفتاة: خفت منه ومن أمه –حماتي-، وقال لي أقول في البرنامج إن أمي عايزة تخرب بيتي عليَ، كان مفهمني أن أخويا هيموتني وأمي كارهاني، وأخذ ابنتي وهرب وبيقول لي خليكي عند أهلك، وخيرني قال لي يا أنا يا أمك.

وبشأن موقف أهله بشأني علقت فتاة الحوامدية: مش راضيين على اللي عمله، وعمه اسمه أشرف كان عاوز يهربني بسبب معاملته القاسية لي، وأمه كانت بتخليه يضربني وبنزف دم من كل حتة، واتهمني في شرفي آخر حاجة بأن هناك علاقة بيني وبين جاري.

تصريحات الأم بعد عودة ابنتها

وطالبت الأم بعقد القران على الفتاة، خاصة أنه رفض كتب الكتاب بعد إتمام 'دنيا' 18 سنة، لافتتة: 'كل اللي كان بيحتاجه بقدمهوله، وكنت بستلف وأديهم، إحنا عاوزين نكتب الكتاب ونطلقها منه وتاخد ابنتها'.

وعلقت الأم: لو شفتي شكل دنيا لما جت معرفتهاش، وشها أصفر وتعبانة، وسلفتها عايرتها قائلة: «يا بنت بياعة المناديل».

فيه راجل يعمل كده !!.. فتاة الحوامدية تفاجئ نهال طايل: جوزي كان بيتهمني في شرفي مع الجيران #صدى_البلد #تفاصيل #نهال_طايل pic.twitter.com/Mw5y2WMSaI

— صدى البلد (@baladtv) March 12, 2023

المصريين قاموا بالواجب.. مفاجأة في طلب عراقي حضور معازيم لفرحه في مصر .. فيديو