فدوى عابد: ابني مراهق ومش بيتفرج على أعمالي.. فيديو

كشفت الفنانة فدوى عابد عن إعجابها الشديد بالنجمة نبيلة عبيد، مؤكدة أنها تتمنى تقديم شخصيتها فنيًا، إلى جانب حديثها عن حياتها الأسرية وعلاقتها بابنها.

وقالت خلال مداخلة هاتفية مع الإعلامية 'نهال طايل' في برنامج'تفاصيل' المذاع على قناة 'صدى البلد2' إن : 'نبيلة عبيد حبيبة قلبي، بيعجبني  طريقة تمثيلها بحلاوتها بحبها لفنها باللي أنا بسمعه إن هي طول الوقت إزاي كانت بتجتهد على الأدوار، ومثلا دورها هتغني فيه فتقعد تاخد شهور كورسات غنا، يعني ده كل ده بالنسبة لي شيء مبهر ومش بس أستاذة نبيلة لوحدها يعني هما كتير، كتير بس أستاذة نبيلة بالذات ليها معزة خاصة عندي يعني'.

وأضافت: 'أنا لما بيكون ليا عمل شغال ابني مش بيتفرج عليه يعدي كدة يقولي إيه ده ده إنتي يا مامي؟ أقوله آه يقولي طب مبروك فيقوم ماشي خلاص، زمان كان ممكن يقعد يتفرج شوية وبعدين هو دلوقتي أصله مراهق فمش دايما عايز مش مهتم'.

وتابعت: 'وعايشة مستقرة بقدر الإمكان، هو مفيش حد عايش في هدوء طول الوقت طبعا عشان بس مـ نشتغلش المجتمع يعني دي علاقات عادي إنسانية فيها اللي طالع وفيها اللي نازل بس الحمد لله بقدر كبير هي مناسبة ليا جدا يعني الحمد لله'.