«فروسا تزوج».. فارس حميدة مطرب المهرجانات المعتزل يحتفل بزفافه

احتفل مطرب المهرجانات المعتزل فارس حميدة بزواجه، أمس الجمعة، الموافق له 3 يوليو الجاري.

ونشر فارس حميدة صورة تجمعه بزوجته، عبر حسابه الرسمي بموقع فيس بوك.

وعلق على الصورة قائلًا: «فروسا تزوج»، ونشر صورة أخرى له، معلقًا: «أنا ماشي في الشارع البلد كلها بتزفني.. مبرووك لمصر ومبروك لفروسا ومبروك لينا كلنا يا إخواتي».

كان قد حرص مغني المهرجانات المعتزل فارس حميدة على توجيه رسالة مؤثرة لزملائه بالوسط الفني، بعد وفاة المطرب الشعبي أحمد عامر.

قال فارس حميدة في فيديو نشره عبر حسابه الرسمي بموقع فيس بوك: «لسه شايف خبر مفجع جدًا بالنسبة لي والحقيقة الواحد حزين جدًا بسبب خبر موت أخونا أحمد عامر.. رسالة لأخواتنا المطربين والفنانين، هذه الدنيا اللي بنجري وراها، الدنيا اللي ناسيين أخرتنا بسببها».

وتابع: «هو ده الموت اللي أنت ناسيه ومسحول ورا التريندات، ورا الأعمال والنجاحات وهي مش نجاحات، هنفضل نجري وهنعمل فلوس وشهرة ولكن هييجي الموت هياخدني ومش هيبقى لي غير العمل الصالح، مش هاخد في الكفن لا الفلوس اللي عملتها ولا الشهرة، ولا الأرقام اللي حققتها، وكل يوم بيجيلك رسالة».

واستكمل فارس حميدة: «أخونا أحمد عامر كان شاب طيب ونسمع عنه كل خير، وكان في عز نجوميته لكن الموت مش بيفرق بين كبير وصغير ومش هتاخد معاك غير عملك الصالح.. إن شاء الله أحمد عامر يكون له عمل صالح وإن ربنا ينجيه.. اتعظوا يا أهل الفن».

وعلق قائلًا: «والله من الرجفة والخوف لساني ما قادر ينطق الكلام .. اللهم اغفر له وارحمه».