فريدة سيف النصر تهاجم التيك توكرز: بيرخصوا نفسهم وبيقدموا صورة مش حلوة للمصريين| فيديو

فجرت الفنانة الكبيرة فريدة سيف النصر مفاجأة قوية، حيث عبرت عن استيائها الشديد من بعض التيك توكرز الذين يظهرون عبر تطبيق 'تيك توك' ويقدمون محتوى مبتذل على حد وصفها بحثا عن التريند والمشاهدات.

وقالت الفنانة فريدة سيف النصر: 'اللي بيطلعوا على التيك توك بيرخصوا نفسهم، وبيعملوا حاجات أوفر جدًا وملهاش علاقة لا بالفن ولا بالأخلاق.. دي مش صورة حلوة للمصريين ولا للممثلين'.

وأضافت الفنانة خلال مداخلة هاتفية مع الإعلامية نهال طايل في برنامج 'تفاصيل' على قناة صدى البلد 2 'بنشوف ناس بتعمل إيفيهات زمان بشكل مبتذل، وبيقلدوا مشاهد قديمة من أفلامنا ولكن بشكل يسيء، ويصدر صورة مش لطيفة عن مصر والأسوأ من كده إننا نلاقيهم ضيوف في برامج وبيتقدملهم مساحات كأنهم نجوم'.

وعن رأيها في الظهور على منصات التواصل الاجتماعي، أوضحت فريدة سيف النصر: 'أنا مش ضد تيك توك كمنصة، لكن ضد إن الفنان يطلع يبتذل نفسه عشان يوصل، وده فرق كبير الحرية مش معناها الابتذال، ومصر مش هي اللي بيقدموها دول'.

وتابعت: 'أنا من الناس اللي ربت أجيال، وعشت مع كبار النجوم زي فريد شوقي وحسين فهمي، واتعلمت يعني إيه فن حقيقي، مش مجرد حركات وكلام فارغ على السوشيال ميديا'.

وختمت سيف النصر حديثها برسالة للفنانين الشباب: 'الفن قيمة كبيرة، مش وسيلة للتريند.. احترموا نفسكم وجمهوركم، عشان تفضلوا'.