فريدة سيف النصر: معرفش سترة ماتت ليه في العتاولة

أثارت النجمة فريدة سيف النصر الجدل حول نهاية مسلسل العتاولة، مشيرة إلى أنها لا تعلم السبب وراء انتهاء دور 'سترة العترة' بموت الشخصية.

فريدة سيف النصر وشخصية سترة

قالت فريدة سيف النصر خلال تصريحات تلفزيونية: 'معرفش سترة ماتت ليه أنا كنت موجودة آخر يوم تصوير في اللوكيشن، الناس بتقولي إنتي كنتي عيانة، يا جماعة أنا كنت كويسة وكنت في اللوكيشن'.

وتابعت: 'لما لقيت نفسي مش هصور أنا جيت للسقا وسلمت عليهم وقولتلهم إني مبسوطة إني شفتكم، الشخصية ماتت، بقول لأحمد السقا وأحمد خالد موسى لما إنتوا قاعدين مع بعض على الكتابة ليه تموتوني طيب؟'.

فريدة سيف النصر

ليرد أحمد السقا في تصريحات له: 'محدش عارف يا مدام فريدة ما يمكن يكون ليكي دور في الجزء التاني متحرقيش الجزء التاني'، وقال باسم سمرة: 'ما دام عيسى الوزان مموتكيش يبقى إنتي عايشة'.

سبب اعتذار فريدة سيف النصر عن التكريمات

وعلى جانب أخر، كانت النجمة فريدة سيف النصر كشفت السر وراء اعتذارها عن حضور عدد من التكريمات التي تعرض عليها، وذلك عقب نجاحها في أي عمل فني.

أشارت فريدة سيف النصر، إلى أنها ليست من الفنانين الذين يسعون وراء اغتنام الشهادات، وكتبت عبر حسابها بموقع التواصل الاجتماعي وقالت: 'والنبي ما تزعلوا مني افهموا طبعي، والله العظيم ده التكريم 15، وقبله جرائد كبيرة وقنوات وحتى في لبنان وجريت هربت، وكل سنة كتير'.

وتابعت سيف النصر: 'أنا مش من هواة لم شهادات وتماثيل.. وأجري لوحدي وكأني نمبر وان العمل، لأ أي عمل عملته وراه ناس كتير أوي لنجاحي، أنا باخد اللي أكبر من كل ده أنا في حضن قلبي جمهوري، واللي بيعمله معايا دائمًا رغم أي حد بيردم على نجاحي تراب، هما بيشيلوا التراب ويحطوا دهب والماس، بحبهم اللي كنوز الدنيا ما تقدرش تشتريه لأي حد.. أعتذر كل تكريم وبحبكم لكن من الظلم ترك الآخرين في الظل'.

فريدة سيف النصر

واستكملت فريدة سيف النصر كلامها، وقالت: سامحوني دي فريدة وتفكيرها اللي جايبني ورا لكن هاعمل إيه دي أنا، بالمناسبة بتكلم عن زملاء عجبوني أوي اتقال لي انتي عبيطة بتنوري غيرك اللي ماجابش سيرتك تاني، أنا مالي دي أنا، ويمكن ضميري ده اللي محبب خلق الله فيا بأمر من رب العالمين، يا ناس خلوها على الله دي كلها متر في متر فوقوا والنبي'.