فيدرا تشيد بموقف محمد سلام: خاف من ربه

علقت الفنانة فيدرا على اعتذار الفنان محمد سلام من مسرحية زواج اصطناعي، والمقرر عرضها آخر شهر أكتوبر 2023 الجاري.

وكتبت الفنانة فيدرا عبر حسابها الرسمي بموقع فيس بوك: «هو كسب كل حاجه علشان عمل بعقيدته.. ما خافش من حد، خاف من نفسه اللي هتلومه لو ما عملش وطبعا خاف من ربه».

فيدرا تشيد بموقف محمد سلام

واستكملت: «سلام مافيش منه كتير. ده واقع.. وطبعًا كل إنسان حر وكل إنسان عارف نفسه وعارف مقدرته ولا يكلف إلا وسعها.. وسعها على الصعيد المادي و النفسي.. ده وسع سلام. وده وسع باسم.. وده وسع صلاح».

ظهر محمد سلام في مقطع فيديو عبر حسابه الرسمي بموقع انستجرام، قائلًا: «السلام عليكم ورحمة الله إن شاء لله المفروض أسافر الرياض عشان أعرض مسرحية زواج اصطناعي في موسم الرياض».

فيدرا تشيد بموقف محمد سلام

اعتذار محمد سلام عن مسرحية زواج اصطناعي

وتابع: «والمفروض إنها مسرحية كوميدية وفيها أغاني واستعراضات والمفروض إننا نعرض إن شاء الله يوم 30 أكتوبر.. هنعرض في وسط الأحداث اللي بتحصل في غزة فأنا مش متخيل إني هروح أعمل مسرحية وأهزر وأرقص وأخواتنا في فلسطين عمالين يتقتلوا ويتدبحوا ومفيش حاجة بتحصلهم».

واستكمل الفنان محمد سلام: «أنا مش هقدر أسافر طبعًا وليه بقول الكلام ده في آخر لحظة المفروض إني أسافر بكره إن شاء لله لأني كنت على أمل أن الموسم يتلغي أو يتأجل مثل مهرجانات الجونة والقاهرة أو الموضوع يهدأ في فلسطين».

وقال أيضًا: «ونقدر نعرض لكن مفيش حاجة بتحصل لحد دلوقتي في ناس عمالة تموت ومفيش حاجة بتحصل، فأنا إزاي أروح أعرض وناس بتموت في فلسطين، حاسس لو أنا عملت كده هبقى كأني زي اللي بقتلهم بالظبط، هبقى خذلتهم وهبقى بغني وارقص».

وأضاف الفنان محمد سلام: «فأنا بعتذر عن المشاركة في موسم الرياض واللي بيحصل في فلسطين قضية كل مسلم، وواجب على كل مسلم، فأنا مش في إيدي حاجة أقدر أقدمها، فلما نموت وربنا يسألنا عملت إيه لأخوك في فلسطين أنا هرد أقول إيه؟.. هقول في وقت الأحداث في فلسطين أنا كنت بعمل مسرحية كوميدية وبرقص وأغني فأنا مش هقدر أعمل كده».

واختتم:«كان عندي الموسم يتأجل أو يتلغى، فأنا مش هقدر أشارك في المهرجان ده وحابب أقول إني كنت في مشكلة مش عارف أسافر ولا أعمل إيه؟ والتمثيل هو أكل عيشي، لكن لو مسافرتش هل هموت من الجوع؟ بالتأكيد لا».

محمد سلام